കോട്ടയം പൊൻകുന്നത്ത് വീടിനുള്ളിലിരുന്നയാൾ ഇടിമിന്നലേറ്റ് മരിച്ചു

 കോട്ടയം: കോട്ടയം പൊന്‍കുന്നത്ത് ഇടിമിന്നലേറ്റ് ഒരാള്‍ മരിച്ചു. പൊന്‍കുന്നം ചെറുവള്ളി സ്വദേശി കെകെ അശോകന്‍ (53) ആണ് മരിച്ചത്.

ശനിയാഴ്ച വൈകീട്ട് മഴയ്ക്കൊപ്പമുണ്ടായ ഇടിമിന്നലില്‍ വീടിനകത്തിരിക്കുകയായിരുന്ന അശോകന് മിന്നലേല്‍ക്കുകയായിരുന്നു.ആശുപത്രിയിൽ എത്തിച്ചെങ്കിലും ഗൃഹനാഥന്റെ ജീവൻ രക്ഷിക്കാനായില്ല.

കോട്ടയം മുണ്ടക്കയം കൊടുങ്ങയിലും, വല്യേന്തയിലും ശക്തമായ മഴ പെയ്തു. ഒന്നര മണിക്കൂർ നീണ്ടുനിന്ന ശക്തമായ മഴയിൽ ഇളംകാട്- വാഗമൺ റോഡിൽ വെള്ളം കയറി.