'കടുവയുടെ വായിലായിരുന്നു എന്റെ തല, ഞാനതിന്റെ നാവില്‍ പിടിച്ചുവലിച്ചു'; മരണത്തെ തോല്‍പ്പിച്ചതെങ്ങനെ?: അമ്പരിപ്പിക്കുന്ന കഥയുമായി അങ്കിത്,

 ഉത്തരാഖണ്ഡ്: മനുഷ്യരും വന്യമൃഗങ്ങളും തമ്മിലുള്ള സംഘർഷം കാലാകാലങ്ങളായി ലോകം നേരിടുന്ന പ്രതിസന്ധിയാണ്. കുറച്ച്‌ വർഷങ്ങളായി കേരളത്തിലടക്കം അത് വളരെ അധികം വർധിക്കുകയും ചെയ്തിട്ടുണ്ട്.

ഉത്തരാഖണ്ഡിലെ റാംനഗറില്‍ നിന്നുള്ള ഒരു 17 -കാരൻ കടുവയോട് മല്ലുപിടിച്ച്‌, മരണത്തിന്റെ വക്കില്‍ നിന്നും ജീവനോടെ രക്ഷപ്പെട്ട കഥ ആരെയും അമ്പരപ്പിക്കുന്നതാണ്. 

2023 നവംബർ രണ്ടിന് സ്കൂളില്‍ നിന്നും തിരികെ വരും വഴിയാണ് അങ്കിത് എന്ന 17 -കാരനെ കടുവ അക്രമിക്കുന്നത്. കടുവ ഒരു മരത്തിൻ്റെ പിന്നില്‍ നിന്ന് അങ്കിതിൻ്റെ നേരെ കുതിക്കുകയായിരുന്നു. പിന്നീട്, അത് അവൻ്റെ കഴുത്തിലും തലയിലും കടിച്ചു വലിച്ചു. അങ്കിതിന്‍റെ തല കടുവയുടെ വായിലായിരുന്നു. അവന്‍ അതിന്‍റെ നാവില്‍ പിടിച്ചു വലിച്ചു. സ്വന്തം ജീവൻ രക്ഷിച്ചു.

"ഞാൻ സ്കൂളില്‍ നിന്നും വരികയായിരുന്നു. റോഡില്‍ ഒരു കടുവ ഉണ്ടായിരുന്നു, അത് പിന്നില്‍ നിന്നും എന്നെ ആക്രമിക്കുകയും കാട്ടിലേക്ക് വലിച്ചിഴക്കുകയും ചെയ്തു. എനിക്ക് ഗുരുതരമായി പരിക്കേറ്റിരുന്നു. അത് എൻ്റെ തലയില്‍ കടിച്ചു. പക്ഷേ, ഞാൻ ഉടനെ തന്നെ പ്രതികരിച്ചു, അതിന്റെ നാവ് പിടിച്ചു വലിച്ചു. അതിനു ശേഷം ഞാൻ രക്ഷപ്പെട്ടു" എന്നാണ് അങ്കിത് പറഞ്ഞത്. 

എന്നാല്‍, കടുവയുടെ പിടിയില്‍ നിന്നും രക്ഷപ്പെട്ടെങ്കിലും അങ്കിതിന് ഗുരുതരമായി പരിക്കേറ്റിരുന്നു. പെട്ടെന്ന് തന്നെ അവനെ അടുത്തുള്ള ആശുപത്രിയില്‍ എത്തിച്ചു. പിന്നീട്, ഗുരുഗ്രാമിലെ ഒരു ആശുപത്രിയിലേക്കും മാറ്റി. 

അവനെ ചികിത്സിച്ച ഡോക്ടർമാർ പറയുന്നത് അവന്റെ പരിക്കുകള്‍ കണ്ടപ്പോള്‍ അവൻ എങ്ങനെ കടുവയുടെ വായില്‍ നിന്നും രക്ഷപ്പെട്ടു എന്നത് അവരെയെല്ലാം അമ്പരപ്പിച്ചു കളഞ്ഞു എന്നാണ്.

അവന് ഒരുപാട് രക്തം നഷ്ടപ്പെട്ടിരുന്നു. തലയോട്ടില്‍ പരിക്കേറ്റിരുന്നു, തലയോട്ടിയിലെ എല്ലുകള്‍ വരെ കാണാമായിരുന്നു, വലതു ചെവി തൂങ്ങിക്കിടക്കുകയായിരുന്നു, മുഖം ആകെ വികൃതമായിരുന്നു, വലതു കൈയുടെ തള്ളവിരല്‍ ഭാഗികമായി ഛേദിക്കപ്പെട്ടിരുന്നു 

എന്നാണ് ഡോക്ടർമാർ പറയുന്നത്. എന്നാല്‍, പ്ലാസ്റ്റിക് സർജൻ ഡോ. ആഷിഷ് ധിംഗ്രയുടെയും അനസ്‌തേഷ്യോളജിസ്റ്റ് ഡോ. യോഗിത പിതാലെയുടെയും പരിചരണത്തില്‍, അങ്കിത് സുഖം പ്രാപിച്ച്‌ വരികയാണ്.

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

സ്വർണ്ണം വിറ്റ് കോവിഡ് രോഗികളെ ചികിൽസിച്ച പ്രിയപ്പെട്ട മെമ്പർ | ELECTION 2025

കോട്ടയം പിടിച്ചെടുക്കുവാൻ മാണി ഗ്രൂപ്പ് സ്ഥാനാർത്ഥികൾ ഇറങ്ങി.. | ELECTION 2025 | #josekmani | Vote

മയക്കുമരുന്ന്, മണ്ണ്-പാറമട ലോബികൾക്ക് എതിരെ ദീർഘവീക്ഷണമുള്ള പദ്ധതികളുമായി BJP സ്ഥാനാർഥി സതീഷ് KB

 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196  +918606657037  പരസ്യങ്ങൾക്ക് | ☎: +918921123196  +918606657037 | 📩 : dailymalayalyinfo@gmail.com

buttons=(Accept !) days=(20)

Our website uses cookies to enhance your experience. Learn More
Accept !