തിരുവനന്തപുരം: സിറ്റിംഗ് എം പി ശശി തരൂരിനെതിരെ ഗുരുതര വെളിപ്പെടുത്തലുമായി കോണ്‍ഗ്രസ് വിട്ട് ബിജെപിയിലെത്തിയ തമ്പാനൂർ സതീഷ്.
സാധാരണ പ്രവർത്തകരോട് പുച്ഛവും അവഗണനയുമായിരുന്നു തരൂരിന്. അവസരം കിട്ടുമ്പോഴെല്ലാം അവരെ അപമാനിക്കും. പ്രവർത്തകരെ ഒരാളെയും വീട്ടില്‍ കയറ്റാറില്ല. എം പി എന്ന നിലയില്‍ തരൂർ തികഞ്ഞ പരാജയമായിരുന്നു.
പിണറായി വിജയൻ സർക്കാരിന്റെ ദുർഭരണത്തിനെതിരെ പ്രതിപക്ഷമെന്ന നിലയില്‍ കോണ്‍ഗ്രസിന് കഴിഞ്ഞിട്ടില്ലെന്നും ഇനി കേരളത്തിലെ ബിജെപി പ്രവർത്തകർക്കൊപ്പം താൻ തോളോട് തോള്‍ ചേർന്ന് പ്രവർത്തിക്കുമെന്നും അദ്ദേഹം പറഞ്ഞു.
ഇന്നലെ രാവിലെ തിരുവനന്തപുരത്ത് നടന്ന ചടങ്ങിലാണ് തമ്പാനൂർ സതീഷ് ബിജെപിയില്‍ ചേർന്നത്. തിരുവനന്തപുരം ജില്ലയിലെ കോണ്‍ഗ്രസിന്റെ മുഖമായിരുന്നു അദ്ദേഹം.
പാർട്ടി വിടുമ്പോള്‍ ഡി സി സി ജനറല്‍ സെക്രട്ടറിയായിരുന്നു. കോണ്‍ഗ്രസ് നേതാവ് പത്മിനി തോമസിനും മറ്റൊരു ഡി സി സി ജനറല്‍ സെക്രട്ടറി ഉദയനും നൂറോളം പ്രവർത്തകർക്കും ഒപ്പമാണ് അദ്ദേഹം ബിജെപിയില്‍ ചേർന്നത്.
ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ നേതാക്കളെ ഷാള്‍ അണിയിച്ച്‌ പാർട്ടിയിലേക്ക് സ്വീകരിച്ചു. ബിജെപി സ്ഥാനാർത്ഥി രാജീവ് ചന്ദ്രശേഖറിന്റെ തെരഞ്ഞെടുപ്പ് കാര്യാലയത്തിന്റെ ഉദ്‌ഘാടനവും കെ സുരേന്ദ്രൻ നിവ്വഹിച്ചു. മുതിർന്ന ബിജെപി എൻ ഡി എ നേതാക്കള്‍ പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.