രാഹുൽഗാന്ധി നയിക്കുന്ന ഭാരത് ജോഡോ യാത്രയുടെ സമാപന റാലിയിൽ എംകെ സ്റ്റാലിനും, അഖിലേഷ് യാദവും പങ്കെടുക്കും,,

മുംബൈ: ഞായറാഴ്ച മുംബൈയില്‍ രാഹുല്‍ ഗാന്ധി നയിക്കുന്ന ഭാരത് ജോഡോ ന്യായ് യാത്രയുടെ സമാപന റാലിയില്‍ പങ്കെടുക്കുന്ന ഇന്ത്യൻ ബ്ലോക്ക് നേതാക്കളില്‍ തമിഴ്നാട് മുഖ്യമന്ത്രി എം കെ സ്റ്റാലിൻ വിശിഷ്ടാതിഥി ആയിരിക്കും എന്ന് ഒരു കോണ്‍ഗ്രസ് വക്താവ് അറിയിച്ചു.

സ്റ്റാലിനെ കൂടാതെ രാഷ്ട്രീയ ജനതാദള്‍ (ആർജെഡി) നേതാവ് തേജസ്വി യാദവ്, സമാജ്‌വാദി പാർട്ടി (എസ്പി) നേതാവ് അഖിലേഷ് യാദവ് എന്നിവരും മാർച്ച്‌ 17ന് നടക്കുന്ന റാലിയില്‍ പങ്കെടുക്കുമെന്ന് സ്ഥിരീകരിച്ചതായി മഹാരാഷ്ട്ര നിയമസഭയിലെ പ്രതിപക്ഷ നേതാവ് വിജയ് വഡേത്തിവാർ  പറഞ്ഞു.

സെൻട്രല്‍ മുംബൈയിലെ ദാദർ ഏരിയയിലെ ശിവാജി പാർക്കിലാണ് സമ്മേളനം.. ആം ആദ്മി പാർട്ടിയുടെ (എഎപി) പ്രതിനിധികളും പ്രതിപക്ഷ സഖ്യത്തിലെ മറ്റ് സഖ്യകക്ഷികളും പങ്കെടുക്കുമെന്നും അദ്ദേഹം പറഞ്ഞു.