കോട്ടയം സിഎംഎസ് കോളജില്‍ എസ്എഫ്‌ഐ-കെഎസ്‌യു പ്രവര്‍ത്തകര്‍ തമ്മില്‍ സംഘര്‍ഷം; 2 പേര്‍ ആശുപത്രിയില്‍,

കോട്ടയം: കോളേജ് ഡേ ആഘോഷത്തിനിടെ എസ്‌എഫ്‌ഐ- കെഎസ്‌യു പ്രവർത്തകർ തമ്മില്‍ സംഘർഷം. കോട്ടയം സിഎംഎസ് കോളേജില്‍ ഇന്നലെ വൈകിട്ട് 6.30ഓടെ ആയിരുന്നു സംഭവം.

പരിപാടിക്കിടയില്‍ വിദ്യാർത്ഥികള്‍ തമ്മില്‍ വാക്കുതർക്കം ഉണ്ടാവുകയും തുടർന്ന് കയ്യേറ്റത്തിലെത്തുകയുമായിരുന്നു.സംഭവത്തിന്റെ വീഡിയോ സമൂഹമാദ്ധ്യമങ്ങളിലടക്കം വൈറലാവുകയാണ്.

കോളേജ് അധികൃതർ വിവരം അറിയിച്ചതിനെ തുടർന്ന് സ്ഥലത്തെത്തിയ പൊലീസ് വിദ്യാർത്ഥികള്‍ക്ക് നേരെ ലാത്തി വീശി. സംഘർഷത്തില്‍ പരിക്കേറ്റ രണ്ട് വിദ്യാർത്ഥികളെ ആശുപത്രിയില്‍ പ്രവേശിപ്പിച്ചു.