രണ്ടാം ദിനവും ശമ്പളം മുടങ്ങി.. അസാധാരണ പ്രതിസന്ധിയിൽ സംസ്ഥാനം.

തിരുവനന്തപുരം:സാമ്പത്തികപ്രതിസന്ധികാരണം സർക്കാർ ജീവനക്കാരുടെ ശമ്പളം രണ്ടാംദിവസവും മുടങ്ങി.

ട്രഷറികളിൽ പെൻഷൻ വിതരണം നടന്നെങ്കിലും ബാങ്കുകളിലൂടെ പെൻഷൻ വാങ്ങുന്നവരുടെ അക്കൗണ്ടിലും പണമെത്തിയിട്ടില്ല.

അക്കൗണ്ടുവഴിയല്ലാതെ, ട്രഷറിയിലെ വ്യക്തിഗത അക്കൗണ്ടിലൂടെ നേരിട്ട് ശമ്പളം വാങ്ങുന്ന മന്ത്രിമാർക്കും ജീവനക്കാർക്കും ശമ്പളംകിട്ടി.

തുടർച്ചയായി രണ്ടാംദിവസവും ശമ്പളവും പെൻഷനും മുടങ്ങുന്നത് അസാധാരണ പ്രതിസന്ധിയാണ്.

ഇപ്പോഴും സാങ്കേതിക തടസ്സമാണെന്നാണ് വിശദീകരണമെങ്കിലും ചെലവ് നിയന്ത്രണമാണ് യഥാർഥത്തിൽ സർക്കാർ നടത്തുന്നത്.

ശന്പളംകിട്ടാത്തതിനാൽ ഒട്ടേറെപ്പേർ ട്രഷറികളിലെത്തി പരാതിപ്പെടുന്നുണ്ട്.