കൊല്ലം: ഭാര്യയെയും രണ്ടുമക്കളെയും വിഷം കുത്തിവച്ച് കൊലപ്പെടുത്തിയ കേസില് പ്രതിക്ക് മൂന്നു ജീവപര്യന്തം തടവും ആറു ലക്ഷം രൂപയും പിഴ.
എഡ്വേഡിന്റെ ഭാര്യ വര്ഷ, മക്കളായ അലന് (രണ്ട് വയസ്), മൂന്നുമാസം പ്രായമായ ആരവ് എന്നിവരാണ് മരിച്ചത്. കുണ്ടറ കേരളപുരം ഇടവട്ടത്തെ വീട്ടില് 2021 മേയ് 11നായിരുന്നു സംഭവം.
മെഡിക്കല് സ്റ്റോര് ജീവനക്കാരനായിരുന്ന എഡ്വേഡ്, അനസ്തേഷ്യക്കു നല്കുന്ന മരുന്ന് കൂടുതല് അളവില് കുത്തിവെച്ച് ഭാര്യയെയും മക്കളെയും കൊല്ലുകയായിരുന്നു. ഭാര്യക്ക് വേറെ ബന്ധമുണ്ടെന്ന സംശയമാണ് കൊലപാതകത്തില് കലാശിച്ചത്.
അന്ന് അഞ്ചു വയസുകാരിയായിരുന്ന മൂത്തമകള്ക്ക് മരുന്ന് കുത്തിവെച്ചില്ല. സംഭവം കണ്ട മൂത്തമകളുടെ മൊഴിയാണ് കേസില് നിര്ണായകമായത്. 15 വര്ഷത്തോളം വിവിധ മെഡിക്കല് സ്റ്റോറുകളില് ജോലിചെയ്തിരുന്ന പ്രതി, സംഭവം നടക്കുന്ന കാലത്ത് കുണ്ടറയില് ഒരു മെഡിക്കല് സ്റ്റോറിലായിരുന്നു ജോലി ചെയ്തിരുന്നത്.
കടയുടമയുടെ ഭര്ത്താവായ വെറ്ററിനറി സര്ജന് മുയലിനെ ദയാവധം നടത്തുന്നതിനായി മരുന്ന് വാങ്ങിയിരുന്നു. ഇതില് നിന്ന് ഡോക്ടര് അറിയാതെ കൈക്കലാക്കിയ മരുന്ന് ഉപയോഗിച്ചാണ് കൊലപാതകം നടത്തിയതെന്ന് പോലീസ് കണ്ടെത്തിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.