തലയോലപ്പറമ്പ്: യുവാവിനെ വീട്ടിൽ നിന്നും തട്ടിക്കൊണ്ടുപോയ കേസിൽ നാല് പേരെ പോലീസ് അറസ്റ്റ് ചെയ്തു.
ഇവർ സംഘം ചേർന്ന് കഴിഞ്ഞദിവസം വൈകുന്നേരത്തോടുകൂടി, മറവൻതുരുത്ത് സ്വദേശിയായ യുവാവിനെ തട്ടിക്കൊണ്ടു പോവുകയായിരുന്നു. ഇവിടെ ഇന്നോവ കാറിലെ ഇവർ യുവാവിന്റെ വീട്ടിൽ അതിക്രമിച്ചു കയറുകയും യുവാവിനെ മർദ്ദിക്കുകയും, ഇതിനുശേഷം ബലമായി കാറിൽ കയറ്റി തട്ടിക്കൊണ്ടുപോവുകയുമായിരുന്നു.
സംഭവത്തെ തുടര്ന്ന് വീട്ടിലുണ്ടായിരുന്ന യുവാവിന്റെ ഭാര്യ വിവരം ഉടൻ പോലീസിൽ അറിയിക്കുകയും തലയോലപ്പറമ്പ് പോലീസ് കേസ് രജിസ്റ്റർ ചെയ്യുകയും ജില്ലാ പോലീസ് മേധാവി കെ.കാർത്തിക്കിന്റെ നേതൃത്വത്തിൽ ഇന്നോവ കാർ കേന്ദ്രീകരിച്ച് നടത്തിയ ശക്തമായ വാഹനപരിശോധനയിൽ ഇവരെ വൈക്കം ഭാഗത്ത് നിന്നും പുലര്ച്ചയോടുകൂടി സാഹസികമായി പിടികൂടി യുവാവിനെ മോചിപ്പിക്കുകയായിരുന്നു.
തട്ടിക്കൊണ്ടുപോയ യുവാവിനെ വാഹനത്തിൽ വച്ച് ഇവർ ക്രൂരമായി മർദ്ദിച്ചിരുന്നു. യുവാവ് ഡ്രൈവറായി ജോലി ചെയ്തിരുന്ന സ്ഥാപനത്തിന്റെ വിവരങ്ങൾ പുറത്തുപറയുമോ എന്ന് ഭയന്നാണ് ഈ സ്ഥാപനത്തിലെ ജീവനക്കാര് കൂടിയായ ഇവർ സംഘം ചേർന്ന് യുവാവിനെ തട്ടിക്കൊണ്ടുപോയത്.
തലയോലപ്പറമ്പ് സ്റ്റേഷൻ എസ്.എച്ച്.ഓ ശിവകുമാർ ടി.എസ്, എസ്.ഐ മാരായ സുദര്ശനന്, അജി,മോഹനന്, എ.എസ്.ഐ രാജേഷ് ,സി.പി.ഓ മാരായ രാജീവ്, ബിജു , അജ്മല് ,പ്രവീണ് എന്നിവരും അന്വേഷണസംഘത്തില് ഉണ്ടായിരുന്നു. കോടതിയിൽ ഹാജരാക്കിയ നാല് പേരെയും റിമാൻഡ് ചെയ്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.