കോട്ടയം :യുകെയില് വീസ വാഗ്ദാനം ചെയ്ത് നിരവധി പേരില്നിന്നു പണം തട്ടിയെടുത്ത കോട്ടയം ബ്രഹ്മമംഗലം സ്വദേശിനി അഞ്ജന പണിക്കര്ക്കെതിരെ കൂടുതല് വെളിപ്പെടുത്തലുമായി പരാതിക്കാരി രാജപുരം വണ്ണാത്തിക്കാനം സ്വദേശിനി ഡിനിയ ബാബു.
”അഞ്ജനയുടെ ഫോണ് നമ്പര് അവരില് നിന്നാണ് ലഭിച്ചത്. ഞങ്ങള് ഫോണിലൂടെയാണ് പരിചയപ്പെട്ടതും സംസാരിച്ചതും. പപ്പയുടെ പെങ്ങളാണ് കോട്ടയത്ത് ബ്രഹ്മപുരത്തെ വീട്ടില് പോയി അഞ്ജനയെ കാണുന്നത്.
അവരുടെ പെരുമാറ്റത്തിലോ ഇടപെടലിലോ സംശയം തോന്നിയില്ല. നിരവധി പേരാണ് യുകെയില് അവര് വഴി പോയതെന്ന് ഞങ്ങളെ പറഞ്ഞ് വിശ്വസിപ്പിച്ചു. നാലു മാസത്തിനകം വീസ ശരിയാകുമെന്നാണ് പറഞ്ഞത്.
എന്നാല് ഒരു വർഷമായിട്ടും വീസ കിട്ടിയില്ല. തുടര്ന്നാണ് ഏജന്റിനെ ഫോണില് വിളിച്ചത്. ആദ്യമൊക്കെ വിളിക്കുമ്പോള് ഫോണ് എടുക്കില്ലായിരുന്നു.പിന്നീട് ഫോണ് സ്വിച്ച് ഓഫായി” -ഡിനിയ പറഞ്ഞു.
സംഭവത്തില് കാസര്കോട് രാജപുരം പൊലീസും കേസെടുത്തു. ഡിനിയയുടെ ബന്ധുക്കളായ ശ്രീകണ്ഠാപുരം സ്വദേശി അഖില് എബ്രഹാം, കള്ളാര് സ്വദേശി സാന്റാ ജോസ് എന്നിവരാണ് പുതിയ പരാതിക്കാര്.
യുകെയില് കെയര്ടേക്കര് ജോലി വാഗ്ദാനം ചെയ്താണ് ഇവരില്നിന്നു 18.60 ലക്ഷം രൂപ തട്ടിയെടുത്തത്. ഡിനിയയില്നിന്നും 6.40 ലക്ഷവും മറ്റു രണ്ട് പേരില്നിന്നും 6.10 ലക്ഷവും അഞ്ജന കൈക്കലാക്കി.
കഴിഞ്ഞവര്ഷം ഏപ്രില് 29നാണ് ഡിനിയയും ബന്ധുക്കളും ഏജന്റിന്റെ അക്കൗണ്ടിലേക്ക് പണം ട്രാന്സ്ഫര് ചെയ്തത്. ഡിനിയയും ബന്ധുക്കളും പൊലീസില് പരാതി നല്കിയതോടെയാണ് ഇവര് നിരവധി തട്ടിപ്പുകള് നടത്തിയിട്ടുണ്ടെന്ന വിവരം പുറത്തായത്.
വീസ നല്കാമെന്ന് പറഞ്ഞ് പറ്റിച്ച ചിലര് വീട്ടില് എത്തി വാഹനങ്ങള് എടുത്തുകൊണ്ടു പോയെന്നും അയല്ക്കാര് പറഞ്ഞു. തുടര്ന്നാണ് ഡിനിയയും ബന്ധുക്കളും രാജപുരം പൊലീസില് പരാതി നല്കുന്നത്.
നിലവിൽ അഞ്ജനയുടെ പേരില് പതിനഞ്ചോളം കേസുകള് റജിസ്റ്റര് ചെയ്തിട്ടുണ്ടെന്നാണ് പോലീസ് വൃത്തങ്ങൾ നൽകുന്ന സൂചന.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.