പുതിയ രണ്ട് റൂട്ടുകളും 4 പുതിയ ടെർമിനലുകളും..'

എറണാകുളം :കൊച്ചി വാട്ടർ മെട്രോയുടെ 4 പുതിയ ടെർമിനലുകൾ മുഖ്യമന്ത്രി നാടിന് സമർപ്പിച്ചു.

ഇതിലൂടെ രണ്ട് പുതിയ റൂട്ടുകളിലാണ് കൊച്ചി വാട്ടർ മെട്രോ സർവ്വീസ് ആരംഭിക്കുക. ഹൈക്കോർട്ട് ജംഗ്ഷൻ ടെർമിനലിൽ നിന്ന് ബോൽഗാട്ടി, മുളവുകാട് നോർത്ത് ടെർമിനലുകൾ വഴി സൌത്ത് ചിറ്റൂർ ടെർമിനൽ വരെയാണ് ഒരു റൂട്ട്.

സൌത്ത് ചിറ്റൂർ ടെർമിനലിൽ നിന്ന് ഏലൂർ ടെർമിനൽ വഴി ചേരാനെല്ലൂർ ടെർമിനൽ വരെയുള്ളതാണ് മറ്റൊരു റൂട്ട്. മാർച്ച് 17 മുതൽ കൊച്ചി വാട്ടർ മെട്രോ പുതിയ റൂട്ടുകളിൽ സർവ്വീസ് ആരംഭിക്കും.

ഇതോടെ 9 ടെർമിനലുകളിലായി 5 റൂട്ടുകളിലേക്ക് കൊച്ചി വാട്ടർ മെട്രോ സർവ്വീസ് വ്യാപിക്കും. 

തിരക്കേറിയ കൊച്ചി നഗരത്തിലെ യാത്ര കുറേക്കൂടി എളുപ്പമാക്കാൻ ഏറെ സഹായകരമായി മാറിയ പദ്ധതിയാണ് വാട്ടർ മെട്രോ. കഴിഞ്ഞ പത്ത് മാസത്തിനിടെ കൊച്ചി വാട്ടർ മെട്രോയിലൂടെ പതിനേഴര ലക്ഷം ആളുകളാണ് യാത്ര ചെയ്തത്.

സുഗമവും കാര്യക്ഷമവും കുറഞ്ഞ നിരക്കിലുള്ളതുമായ പൊതുജനഗതാഗത സംവിധാനം എല്ലാവർക്കും ഒരുക്കാനായി വിവിധ നടപടികളാണ് സംസ്ഥാന സർക്കാർ സ്വീകരിച്ചുവരുന്നത്.

ഒരു വികസിത നവകേരളം സൃഷ്ടിക്കാനുള്ള യജ്ഞത്തിലെ പുതിയ ചുവടുവെപ്പാണ് ഉദ്‌ഘാടനം ചെയ്യപ്പെട്ട 4 ടെർമിനലുകൾ.