ആ കണ്ണുകള്‍ ഇനിയും ലോകം കാണും; ഡാനിയല്‍ ബാലാജിയുടെ കണ്ണുകള്‍ ദാനം ചെയ്തു,

ചെന്നൈ: അന്തരിച്ച പ്രശസ്ത തമിഴ് സിനിമാ നടൻ ഡാനിയല്‍ ബാലാജിയുടെ കണ്ണുകള്‍ ഇനിയും ലോകം കാണും. അദ്ദേഹത്തിന്റെ കണ്ണുകള്‍ ദാനം ചെയ്തു.'

തന്റെ കണ്ണുകള്‍ ദാനം ചെയ്യുന്നതിനുള്ള സമ്മതപത്രം അദ്ദേഹം നേരത്തെ തന്നെ നല്‍കിയിരുന്നു. ഇതനുസരിച്ചാണ് താരത്തിന്റെ കണ്ണുകള്‍ ദാനം ചെയ്തത്.

ഹൃദയാഘാതത്തെ തുടർന്ന് ചെന്നൈയിലെ കോട്ടിവാകത്തെ ആശുപത്രിയില്‍ വച്ചായിരുന്നു ഡാനിയേല്‍ ബാലാജിയുടെ അന്ത്യം. 

ഇന്നലെ വൈകിട്ടാണ് ഡാനിയേല്‍ ബാലാജിയുടെ സംസ്ക്കാര ചടങ്ങുകള്‍ നടന്നത് .സംവിധായകരായ വെട്രിമാരൻ, ഗൗതം മേനോൻ എന്നിവർ ഡാനിയല്‍ ബാലാജിയുടെ വസതിയിലെത്തി അന്തിമോപചാരം അർപ്പിച്ചു.

തമിഴിലെ സൂപ്പർ ഹിറ്റ് സീരിയല്‍ ചിത്തിയിലാണ് ആദ്യമായി വേഷമിട്ടത്. ഡാനിയല്‍ എന്നായിരുന്നു കഥാപാത്രത്തിന്റെ പേര്. 2002-ലെ തമിഴ് റൊമാന്റിക് ഡ്രാമ ഏപ്രില്‍ മാസത്തില്‍ എന്ന ചിത്രത്തിലൂടെയാണ് സിനിമാ ജീവിതത്തിന്റെ തുടക്കം. കമല്‍ഹാസന്റെ വേട്ടയാട് വിളയാട്, സൂര്യയുടെ കാക്ക കാക്ക, ധനുഷിന്റെ വട ചെന്നൈ, തുടങ്ങിയ സിനിമകളില്‍ മികച്ച കഥാപാത്രങ്ങള്‍ ലഭിച്ചിരുന്നു.