കെറിയിൽ വീടിനു തീപിടിച്ചു അഞ്ചു വയസുകാരിയും പിതാവും അതി ദാരുണമായി വെന്തു മരിച്ച സംഭവം കൊലപാതകമെന്ന് കണ്ടെത്തൽ

കെറി : 10 വർഷം മുമ്പ് കെറിയിൽ വീടിന് തീപിടിച്ചു പിതാവും മകളും മരിച്ച സംഭവം കൊലപാതകമെന്ന് കണ്ടെത്തൽ. 

2012 മെയ് 12 ന് അയർലണ്ടിലെ കോ കെറിയിലെവീട്ടിൽ ആൻ്റണി ഒബ്രിയൻ അഞ്ചുവയസുകാരി മകൾ നദീനും പുലർച്ചെ വീടിനുള്ളിൽ വെന്തു മരിച്ചത്.

പുലർച്ചെ 2.30 ഓടെ പ്രദേശവാസികൾ അറിയിച്ചതിനെ തുടർന്ന് സഥലത്തെത്തിയ ഗാർഡായി ഗുരുതരമായി പൊള്ളലേറ്റു മരിച്ച നിലയിൽ ഇരുവരെയും കണ്ടെത്തുകയായിരുന്നു.

സംഭവത്തെ കുറിച്ച് വിശദമായ അന്വേഷണം നടത്തിയ ഉദ്യോഗസ്ഥർ കഴിഞ്ഞ ജൂൺ മാസം മുപ്പതു വയസിനോട് അടുത്ത് പ്രായമുള്ള യുവാവിനെ അറസ്റ്റു ചെയ്യുകയും എന്നാൽ ഇയാളെ വിട്ടയയ്ക്കുകയും ചെയ്തിരുന്നു.

ശാസ്ത്രീയ പരിശോധനകളിൽ 40 വയസിനോടടുത്ത രണ്ടു പേരെ ഗാർഡ അറസ്റ്റ് ചെയ്തു.1984 ലെ ക്രിമിനൽ ജസ്റ്റിസ് ആക്ടിൻ്റെ സെക്ഷൻ നാല് പ്രകാരം ട്രലി, കില്ലർണി എന്നിവരെ ഉദ്യോഗസ്ഥർ അന്വേഷണ വിധേയമായി ജയിലിൽ അടച്ചിരുന്നതായും ഗാർഡായി വൃത്തങ്ങൾ പുറത്തുവിട്ട റിപ്പോർട്ടിൽ പറയുന്നു.

ഇവരാണ് സംഭവത്തിനു പിന്നിലെന്ന് ശാസ്ത്രീയ തെളിവുകളെ അടിസ്ഥാനപ്പെടുത്തി ഉദ്യോഗസ്ഥർ കോടതിയിൽ സമർപ്പിച്ച റിപ്പോർട്ടിൽ പറയുന്നു.

അതേ സമയം തീപിടുത്തമുണ്ടായ സാഹചര്യത്തിൽ മുകൾ നിലയിൽ നിന്ന് ചാടി രക്ഷപെട്ട ആൻ്റണിയുടെ ഭാര്യ കെല്ലി ഒബ്രിയനു ഗുരുതരമായി പരിക്കേറ്റിരുന്നു.

സംഭവത്തിൽ ഏറെ നാളായി നിലനിന്നിരുന്ന ദുരൂഹത നീങ്ങിയതായും കുറ്റക്കാർക്ക് അർഹമായ ശിക്ഷ വാങ്ങി നൽകുമെന്നും സൂപ്രണ്ട് ജിം ഒ'കോണർ മാധ്യമങ്ങളോട് പറഞ്ഞു.