മുറിയിലെ എസി പൊട്ടിത്തെറിച്ചു; നാല്പത്തിയഞ്ചുകാരിക്ക് ദാരുണാന്ത്യം, അന്വേഷണം,.

മുംബൈ: ഉറക്കത്തിനിടെ മുറിയിലെ എസി പൊട്ടിത്തെറിച്ച്‌ പൊള്ളലേറ്റ യുവതി മരിച്ചു. ഫ്ലാറ്റില്‍ തനിച്ചു താമസിച്ചിരുന്ന സ്വരൂപ ഷാ (45) ആണ് മരിച്ചത്.,

ഫ്ലാറ്റില്‍ നിന്ന് പുക ഉയരുന്നത് ശ്രദ്ധയില്‍പ്പെട്ട അയല്‍വാസികള്‍ വാതില്‍ തകർത്ത് അകത്തു കടന്നപ്പോഴാണ് അബോധാവസ്ഥയില്‍ കിടക്കുന്ന യുവതിയെ കണ്ടെത്തിയത്. മുബൈയിലെ വിലെപാർലെ ഈസ്റ്റിലെ അമിത് പരിവാർ സൊസൈറ്റിയിലാണ് സംഭവം.

ഉടൻ തന്നെ കൂപ്പർ ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു. ശരീരത്തില്‍ പൊള്ളലേറ്റ പാടുകള്‍ ഉണ്ട്. പൊലീസ് അപകടമരണത്തിനു കേസെടുത്ത് അന്വേഷണം ആരംഭിച്ചിട്ടുണ്ട്. ഷോർട്ട് സർക്യൂട്ട് കാരണമാണ് എസി പൊട്ടിത്തെറിച്ചതെന്നാണ് പ്രാഥമിക നിഗമനം.