അജീഷിന്‍റെ മരണം ഞെട്ടിക്കുന്നതെന്ന് രാഹുൽ ഗാന്ധി; 'വന്യജീവി ആക്രമണം തടയാൻ സമഗ്ര പദ്ധതി വേണം,,

മാനന്തവാടി: കാട്ടാനയുടെ ആക്രമണത്തില്‍ അജീഷിന്റെ ദാരുണാന്ത്യം ഞെട്ടിച്ചതായി രാഹുല്‍ ഗാന്ധി എം.പി. കുടുംബത്തിന്റെ ഏക ആശ്രയമായിരുന്ന ആളാണ് മരിച്ചത്.രോഗിയായ അമ്മയെയും കൊച്ചുകുട്ടികളെയും ഓർത്ത് ഏറെ ദു:ഖിക്കുന്നു. വന്യമൃഗങ്ങളുടെ ആക്രമണം വയനാട്ടിലെ ജനങ്ങളുടെ ജീവിതത്തിനും ഉപജീവനമാർഗത്തിനും വലിയ നാശം വിതച്ചിട്ടുണ്ട്.

വയനാട്ടിലെ പൊതുജനത്തിന് നേരെയുള്ള ഇത്തരം ആക്രമണങ്ങള്‍ ലഘൂകരിക്കാൻ ഇടപെടണമെന്ന് ആവർത്തിച്ച്‌ ആവശ്യപ്പെട്ടിട്ടുണ്ട്. എന്നാല്‍, ഈ പ്രശ്നം പരിഹരിക്കാൻ സമഗ്രമായ ഒരു കർമപദ്ധതിയില്ല. കേന്ദ്ര-സംസ്ഥാന സർക്കാരുകള്‍ നിർണായകമായ നടപടികള്‍ കൈക്കൊള്ളണമെന്നും അദ്ദേഹം ആവശ്യപ്പെട്ടു.