നെടുമങ്ങാട്: ഒരു പ്രതിസന്ധിയിലും കേരളത്തിലെ പൊതുവിതരണ മേഖല തകരാനോ, ജനങ്ങള്‍ക്ക് ബുദ്ധിമുട്ടുണ്ടാകാനോ സർക്കാർ അനുവദിക്കില്ലെന്ന് മന്ത്രി ജി.ആർ.അനില്‍ പറഞ്ഞു.
കരകുളം പഞ്ചായത്തിലെ കരയാളത്തുകോണത്തെ 442-ാം നമ്പർ റേഷൻ കട കെ -സ്റ്റോർ ആക്കി ഉയർത്തുന്ന ചടങ്ങ് ഉദ്ഘാടനം ചെയ്തു പ്രസംഗിക്കുകയായിരുന്നു അദേഹം.
നെടുമങ്ങാട് ബ്ലോക്ക് പഞ്ചായത്ത് പ്രസിഡന്‍റ് വി.അമ്പിളി കെ -സ്റ്റോറിലെ ആദ്യ വില്പന നടത്തി. സർക്കാരിന്റെ രണ്ടാം വാർഷികത്തോടനുബന്ധിച്ച്‌ നൂറുദിന പരിപാടിയില്‍ ഉള്‍പ്പെടുത്തിയാണ് റേഷൻ കടകളെ കെ-സ്‌റ്റോറുകളാക്കി മാറ്റിയത്.
പദ്ധതിയുടെ ആദ്യഘട്ടത്തില്‍ നെടുമങ്ങാട് താലൂക്കിലെ മൂന്ന് റേഷൻ കടകളും രണ്ടാംഘട്ടത്തില്‍ അഞ്ച് റേഷൻകടകളേയും കെ-സ്റ്റോർ ആക്കി ഉയർത്തിയിരുന്നു. മൂന്നാം ഘട്ട പദ്ധതിയില്‍ നെടുമങ്ങാട് താലൂക്കിലെ 14 റേഷൻ കടകള്‍ കൂടി കെ-സ്റ്റോർ ആയി മാറും.
കരകുളം പഞ്ചായത്ത് പ്രസിഡന്‍റ് യു. ലേഖാറാണി അധ്യക്ഷത വഹിച്ച ചടങ്ങില്‍ നെടുമങ്ങാട് ബ്ലോക്ക് പഞ്ചായത്ത് വൈസ് പ്രസിഡന്‍റ് പി. വൈശാഖ് , കരകുളം പഞ്ചായത്ത് സ്റ്റാൻഡിംഗ് കമ്മിറ്റി അധ്യക്ഷൻമാർ, മെമ്ബർമാർ, ജില്ലാ സപ്ലൈ ഓഫീസർ എ. ജെ.മാത്യു എന്നിവർ പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.