മഞ്ഞിൽ മൂടി കൗണ്ടികൾ, രാജ്യത്തിൻ്റെ ഭൂരിഭാഗം പ്രദേശങ്ങളിലും കാലാവസ്ഥാ മുന്നറിയിപ്പുകൾ നിലവിലുണ്ട്.
മിഡ്‌ലാൻഡ്‌സിൻ്റെ ചില ഭാഗങ്ങളിലും പടിഞ്ഞാറ്, വടക്ക്, ഉയർന്ന പ്രദേശങ്ങളിലും മഞ്ഞും മഞ്ഞുവീഴ്ചയും ഉണ്ടാകുന്നു. വ്യാപകമായ മഴയുണ്ടാകുമെന്ന് മെറ്റ് ഐറിയൻ പ്രവചിക്കുന്നു,
കാവൻ, ഡൊണെഗൽ, മോണഗാൻ, ലെട്രിം, ലോംഗ്‌ഫോർഡ്, മയോ, റോസ്‌കോമൺ, സ്ലൈഗോ എന്നിവിടങ്ങളിൽ ഒരു സ്റ്റാറ്റസ് യെല്ലോ സ്നോ-ഐസ് മുന്നറിയിപ്പ് നിലവിൽ പ്രവർത്തിക്കുന്നുണ്ട്. ഇന്ന് വൈകുന്നേരം 8 മണി വരെ ഇത് നിലനിൽക്കും, ഈ സമയത്ത് അപകടകരമായ യാത്രാ സാഹചര്യങ്ങൾ, മോശം ദൃശ്യപരത, റോഡിൽ മഞ്ഞ് എന്നിവ പ്രതീക്ഷിക്കപ്പെടുന്നു, മെറ്റ് ഐറിയൻ അറിയിച്ചു.
ക്ലെയർ, ടിപ്പററി, ഗാൽവേ, ലീഷ് , ഓഫലി, വെസ്റ്റ്മീത്ത്, വിക്ലോ എന്നിവയും നിലവിൽ പ്രത്യേക സ്റ്റാറ്റസ് യെല്ലോ സ്നോ-ഐസ് മുന്നറിയിപ്പിന് കീഴിലാണ്, അത് ഉച്ചയ്ക്ക് 1 മണിക്ക് അവസാനിക്കും.
രാജ്യത്തിൻ്റെ വടക്കൻ പകുതിയിൽ രാത്രി 8 മണി വരെ അപകടകരമായ യാത്രാ സാഹചര്യങ്ങൾ പ്രതീക്ഷിക്കുന്നു. കാർലോ, ഡബ്ലിൻ, കിൽഡെയർ, ലൂത്ത്, മീത്ത്, വെക്‌സ്‌ഫോർഡ്, വിക്ലോ എന്നിവിടങ്ങളിൽ സ്റ്റാറ്റസ് യെല്ലോ മഴ മുന്നറിയിപ്പ് നാളെ പുലർച്ചെ 5 മണി വരെ ബാധകമാണ്.
മെറ്റ് ഐറിയൻ പറയുന്നതനുസരിച്ച്, മഴയും മഞ്ഞുവീഴ്ചയും കിഴക്കൻ കാറ്റും പ്രതീക്ഷിക്കുന്നു. ചില സ്ഥലങ്ങളിൽ പ്രാദേശികമായുള്ള വെള്ളപ്പൊക്കത്തിന് സാധ്യതയുണ്ടെന്നും മുന്നറിയിപ്പ് നൽകുന്നു.
നോർത്തേൺ (വടക്കൻ) അയർലണ്ടിൽ, യുകെ മെറ്റ് ഓഫീസ് ആൻട്രിം, അർമാഗ്, ഡെറി, ഡൗൺ, ഫെർമനാഗ്, ടൈറോൺ എന്നിവിടങ്ങളിൽസ്റ്റാറ്റസ് യെല്ലോ മഞ്ഞ് മുന്നറിയിപ്പ് നൽകി. നാളെ രാവിലെ 6 മണി വരെ ഇത് നിലനിൽക്കും.
നോർത്തേൺ (വടക്കൻ) അയർലണ്ടിൻ്റെ ചില ഭാഗങ്ങളിൽ ഇന്നും നാളെയും മഴയും മഞ്ഞും മഞ്ഞുവീഴ്ചയും ചില യാത്രാ തടസ്സങ്ങൾ സൃഷ്ടിക്കുമെന്ന് കാലാവസ്ഥ വിഭാഗം അറിയിച്ചിട്ടുണ്ട്. റോഡ് യാത്രക്കാർ സൂക്ഷിക്കുക.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.