മേജർ ആർച്ച് ബിഷപ്പ് മാർ റാഫേൽ തട്ടിൽ പ്രധാനമന്ത്രിയെ സന്ദർശിച്ചു

കാക്കനാട്: സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ ഇന്ന് ഉച്ചയ്ക്ക് ന്യൂഡൽഹിയിൽ പ്രധാനമന്ത്രി ശ്രീ നരേന്ദ്ര മോദിയെ സന്ദർശിച്ചു. 

സീറോ മലബാർ സഭയുടെ തലവനായി തിരഞ്ഞെടുക്കപ്പെട്ട ശേഷം ആദ്യമായി തലസ്ഥാനത്ത് എത്തിയ പ്രധാനമന്ത്രിയെ മേജർ ആർച്ച് ബിഷപ്പ് സന്ദർശിച്ചു. സീറോ മലബാർ സഭയുടെ മേജർ ആർച്ച് ബിഷപ്പായി സ്ഥാനമേറ്റ അവസരത്തിൽ പ്രധാനമന്ത്രി നൽകിയ ആശംസാ കത്തിന് മാർ റാഫേൽ തട്ടിൽ നന്ദി പറഞ്ഞു. 

മാർ റാഫേൽ തട്ടിലിനെ പ്രധാനമന്ത്രി  അഭിനന്ദിക്കുകയും അദ്ദേഹത്തിന് വേണ്ട സഹകരണം വാഗ്ദാനം ചെയ്യുകയും ചെയ്തു. രാജ്യത്തെ ക്രിസ്ത്യാനികളുടെ പൊതു ജീവിത സാഹചര്യം ഔപചാരിക യോഗത്തിൽ ചർച്ചാ വിഷയമായിരുന്നു. ഫരീദാബാദ് എപ്പാർക്കി ആർച്ച് ബിഷപ്പ് കുര്യാക്കോസ് ഭരണികുളങ്ങര മേജർ ആർച്ച് ബിഷപ്പിനൊപ്പം ഉണ്ടായിരുന്നു. ശ്രീ. രാജീവ് ചന്ദ്രശേഖറും ശ്രീ. വി.മുരളീധരൻ, സംസ്ഥാന മന്ത്രിമാർ എന്നിവരും യോഗത്തിൽ പങ്കെടുത്തു.