കോഴിക്കോട് സ്‌കൂളിലേക്കുപോയ 14കാരിക്ക് കാട്ടുപന്നിയുടെ കുത്തേറ്റു; ചികിത്സയില്‍,,

 കോഴിക്കോട്: കാട്ടുപന്നിയുടെ ആക്രമണത്തില്‍ സ്കൂള്‍ വിദ്യാര്‍ഥിക്ക് പരിക്ക്. നടുവണ്ണൂര്‍ ഗവണ്‍മെന്റ് ഹയര്‍സെക്കന്‍ഡറി സ്‌കൂള്‍ 9-ാം ക്ലാസ് വിദ്യാര്‍ഥി ഉള്ളിയേരി ചിറക്കര പറമ്പത്ത് മനോജിന്റെ മകള്‍ അക്ഷിമയ്‌ക്കാണ്( 14) പന്നിയുടെ കുത്തേറ്റ് പരിക്ക് പറ്റിയത്.

ഇന്നലെ രാവിലെ സ്‌ക്കൂളിലേക്ക് പോകുമ്പോള്‍ വീട്ടിനടുത്ത് റോഡില്‍വച്ച്‌ പന്നി ആക്രമിക്കുകയായിരുന്നു.

ആദ്യം കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചെങ്കിലും വിദഗ്ധ ചികിത്സയ്‌ക്ക് പെണ്‍കുട്ടിയെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. പ്രദേശത്ത് കാട്ടുപന്നി കൃഷിനാശം വരുത്തിയതായും നാട്ടുകാർ പറയുന്നു.

കാട്ടുപ്പന്നിയുടെ അക്രമം സംബന്ധിച്ച്‌ കോണ്‍ഗ്രസ് മണ്ഡലം പ്രസിഡന്റ് കെകെ സുരേഷ് ഡിവിഷണല്‍ ഫോറസ്റ്റ് ഓഫീസര്‍ക്ക് പരാതി നല്‍കിയിട്ടുണ്ട്.