യാത്രക്കാരെ സുരക്ഷിതരാക്കിയശേഷം അബ്ദുള്‍ റഹ്‌മാൻ മരണത്തിനു കീഴടങ്ങി,,,

കാസര്‍ഗോഡ്: ഓടിക്കൊണ്ടിരിക്കെ സ്വകാര്യബസ് ഡ്രൈവര്‍ കുഴഞ്ഞുവീണു മരിച്ചു. പൈവളിഗെ ചേവാര്‍ കുണ്ടംകേരടുക്ക സ്വദേശി അബ്ദുള്‍ റഹ്‌മാന്‍ (42) ആണ് മരിച്ചത്.

ഇന്നലെ ഉച്ചകഴിഞ്ഞ് മൂന്നോടെ കുണ്ടംകേരടുക്കയിലാണ് സംഭവം. കാസര്‍ഗോഡു നിന്ന് പെര്‍മുദെ-ധര്‍മത്തടുക്ക റൂട്ടില്‍ ഓടുന്ന ഗസല്‍ ബസിലെ ഡ്രൈവറായിരുന്നു റഹ്‌മാന്‍. 

പെര്‍മുദെക്കു സമീപം നെഞ്ചുവേദന അനുഭവപ്പെട്ട അബ്ദുള്‍റഹ്‌മാന്‍ ബസില്‍നിന്നിറങ്ങി കടയില്‍ നിന്നും സോഡാ വാങ്ങിക്കുടിച്ചു. പിന്നീട് യാത്രക്കാര്‍ കുഴഞ്ഞുവീണ റഹ്‌മാനെയാണു കണ്ടത്.

പരേതനായ മൊയ്തീന്‍ കുഞ്ഞിയുടെയും മറിയമ്മയുടെയും മകനാണ്. ഭാര്യ: സുഹ്‌റ. മകന്‍: അറാഫത്ത്. സഹോദരങ്ങള്‍: മുഹമ്മദലി, ബീഫാത്തിമ, നഫീസ, അവ്വമ്മ, ആത്തിക്ക.