യുവതിയെ പെട്രോള്‍ ഒഴിച്ച്‌ തീകൊളുത്തി; അയല്‍വാസി അറസ്റ്റില്‍

ഇടുക്കി: ഉടുമ്പൻചോലയില്‍ യുവതിയെ പെട്രോള്‍ ഒഴിച്ച്‌ തീ കൊളുത്തി. സംഭവത്തില്‍ അയല്‍വാസിയായ ശശി കുമാറിനെ ഉടുമ്ബൻചോല പൊലീസ് അറസ്റ്റ് ചെയ്തു.പാറക്കല്‍ ഷീല എന്ന യുവതിക്കാണ് പൊള്ളലേറ്റത്. ഇവർ നെടുങ്കണ്ടത്തെ സ്വകാര്യ ആശുപത്രിയില്‍ ചികിത്സയിലാണ്. 60 ശതമാനത്തോളം പൊള്ളലേറ്റിട്ടുണ്ടെന്നാണ് വിവരം.

പ്രദേശത്തെ എസ്റ്റേറ്റിലെ ജീവനക്കാരാണ് ഇരുവരും. ഇരുവരും തമ്മിലെ തർക്കത്തെ തുടർന്നുള്ള വൈരാഗ്യമാണ് സംഭവത്തിന് കാരണമെന്നാണ് പ്രാഥമിക നിഗമനം.

ഇന്നലെ വൈകുന്നേരം 3.30 ഓടെ ശശി കുമാർ ഷീലക്കുമേല്‍ പെട്രോള്‍ ഒഴിച്ച്‌ തീകൊളുത്തുകയായിരുന്നു. സ്ഥലത്തുണ്ടായിരുന്ന മറ്റുതൊഴിലാളികള്‍ ചേർന്നാണ് ഷീലയെ ആശുപത്രിയില്‍ പ്രവേശിപ്പിച്ചത്.