മുന്‍കൂര്‍ നോട്ടീസ്‌ നല്‍കാതെ ആളൂരിനെ അറസ്‌റ്റ് ചെയ്യരുത്‌: ഹൈക്കോടതി,,

 കൊച്ചി: അഡ്വ. ബി.എ. ആളൂരിനെ മുന്‍കൂര്‍ നോട്ടീസ്‌ നല്‍കാതെ അറസ്‌റ്റ്‌ ചെയ്യരുതെന്നു ഹൈക്കോടതി. ലൈംഗികാരോപണം ഉന്നയിച്ചു വനിതയായ കക്ഷി നല്‍കിയ പരാതിയിലാണ്‌ ആളൂര്‍ ഹൈക്കോടതിയില്‍ മൂന്‍കൂര്‍ ജാമ്യാപേക്ഷ നല്‍കിയത്‌.

എറണാകുളം സെന്‍ട്രല്‍ പോലീസ്‌ സ്‌റ്റേഷനില്‍ ഐ.പി.സി. സെക്ഷന്‍ 354 എ പ്രകാരം കേസ്‌ രജിസ്‌റ്റര്‍ ചെയ്‌ത എഫ്‌.ഐ.ആറിലെ കുറ്റം, ജാമ്യം ലഭിക്കാവുന്നതാണെങ്കിലും ജാമ്യമില്ലാ കുറ്റം ആരോപിച്ച്‌ അറസ്‌റ്റ്‌ ചെയ്യുന്നതില്‍ ആശങ്കയുണ്ടെന്നു ഹര്‍ജിക്കാരന്റെ അഭിഭാഷകന്‍ വാദിച്ചു.

എഫ്‌.ഐ.ആറില്‍ ഉന്നയിക്കപ്പെട്ട ആരോപണങ്ങള്‍ ജാമ്യം ലഭിക്കാവുന്ന തരത്തിലുള്ളതാണെന്നും മുന്‍കൂര്‍ ജാമ്യാപേക്ഷ നിലനില്‍ക്കുന്നതല്ലെന്നും സര്‍ക്കാര്‍ കോടതിയില്‍ ബോധിപ്പിച്ചു.