അയർലണ്ടിൽ വൻ മയക്കുമരുന്ന് വേട്ട ' പിടിച്ചെടുത്തത് 546 കിലോ സിന്തറ്റിക് മയക്കുമരുന്നും ആയുധങ്ങളും.

അയർലണ്ട്:കോർക്ക് തുറമുഖത്ത് ഗാർഡായി നടത്തിയ ഓപ്പറേഷനിൽ 32.8 മില്യൺ യൂറോ വിലമതിക്കുന്ന മയക്കുമരുന്ന് പിടിച്ചെടുത്തു.

തുറമുഖത്ത് നിന്ന് 546 കിലോ സിന്തറ്റിക് മയക്കുമരുന്ന് കണ്ടെടുത്തതായി ഗാർഡായി പറഞ്ഞു. ലഹരി മരുന്നുകൾ ക്രിസ്റ്റൽ മെത്ത് ആണെന്ന് കരുതുന്നു.

ട്രാലി, കെറി, കോർക്ക് എന്നിവിടങ്ങളിൽ തുടർച്ചയായി നടത്തിയ തിരച്ചിലിൽ രണ്ട് തോക്കുകളും പിടിച്ചെടുത്തു. ഇതുമായി ബന്ധപ്പെട്ട് രണ്ട് പേരെ അറസ്റ്റ് ചെയ്തു.

കെറിയിലെ ഡിവിഷണൽ ഡ്രഗ്സ് ടീമിൻ്റെയും പ്രാദേശിക ഡിറ്റക്ടീവ് യൂണിറ്റുകളുടെയും സാഹകരണത്തോടെയാണ് തെരച്ചിൽ നടത്തിയത്.