അമേരിക്കയിൽ വീണ്ടും വെടിവെയ്പ്പ് ' സിറ്റി സബ്‌വേ സ്റ്റേഷനിൽ ഉണ്ടായ അക്രമത്തിൽ ഒരാൾ മരണപ്പെട്ടതായും 5 പേർക്ക് പരിക്കേറ്റതായും വിവരം.

ന്യൂയോർക്ക്: സിറ്റി സബ്‌വേ സ്റ്റേഷനിൽ വെടിവെപ്പിൽ ഒരാൾ മരിച്ചതായി റിപ്പോർട്ട്. വെടിവയ്പ്പിൽ 5 പേർക്ക് പരിക്കേറ്റതായാണ് പുറത്തു വരുന്ന വിവരം. തിങ്കളാഴ്ച വൈകുന്നേരം ആണ് ബ്രോങ്ക്‌സിലെ സബ്‌വേ സ്റ്റേഷനിൽ  വെടിവയ്‌പ്പ് ഉണ്ടായത്.

ആറ് പേരെ വെടിവച്ചതായി കണ്ടെത്തിയതായി എൻ വപി  ഡി ട്രാൻസിറ്റ് ചീഫ് മൈക്കൽ എം. കെമ്പർ തിങ്കളാഴ്ച രാത്രി ഒരു വാർത്താ സമ്മേളനത്തിൽ മാധ്യമപ്രവർത്തകരോട് വ്യക്തമാക്കി. 14-നും 71-നും ഇടയിൽ പ്രായമുള്ള നാല് പുരുഷന്മാരും രണ്ട് സ്ത്രീകളുമാണ് ആക്രമണത്തിന് ഇരകളായത്.

ഇരകളെ പ്രാദേശിക ആശുപത്രികളിൽ ആണ് പ്രവേശിപ്പിച്ചത്. 34 വയസ്സുള്ള ഒരാളാണ് സെന്റ് ബർണബാസ് ആശുപത്രിയിൽ മരിച്ചത്. അതേസമയം മറ്റ് ഇരകളുടെ പരിക്കുകൾ ജീവന് ഭീഷണിയല്ലെന്ന് പോലീസ് വ്യക്തമാക്കി.

അതേസമയം വെടിവയ്പ്പ് യാദൃശ്ചികമല്ലെന്നും 4-ാം നമ്പർ ട്രെയിനിനുള്ളിൽ രണ്ട് ഗ്രൂപ്പുകൾ തർക്കത്തിൽ ഏർപ്പെട്ടപ്പോഴാണ് വെടിവയ്പ്പ് ആരംഭിച്ചതെന്നും കെംബർ പറഞ്ഞു.

ട്രെയിൻ സ്റ്റേഷനിലേക്ക് നീങ്ങിയപ്പോൾ ഒരാൾ തോക്ക് എടുത്ത് വെടിയുതിർക്കുകയായിരുന്നുവെന്ന് കെമ്പർ പറഞ്ഞു. എന്നാൽ പ്രതിയെ തിരിച്ചറിഞ്ഞിട്ടില്ലെന്ന് ഉദ്യോഗസ്ഥർ പറഞ്ഞു.