അബുദാബി: ഭക്തര്ക്ക് സമര്പ്പിക്കാനൊരുങ്ങി അബുദാബിയിലെ ഹിന്ദുക്ഷേത്രം. ഈ മാസം 14 ന് പ്രധാനമന്ത്രി നരേന്ദ്ര മോദി ഭക്തര്ക്ക് ക്ഷേത്രം സമര്പ്പിക്കും.
യു.എ.ഇ. ഭരണാധികാരികളടക്കം ഒട്ടേറെ അറബ് പ്രമുഖര് പങ്കെടുക്കും. ഈ മാസം 10 മുതല് 21 വരെ ഫെസ്റ്റിവല് ഓഫ് ഹാര്മണി എന്ന പേരില് പ്രധാന ആഘോഷപരിപാടികള് നടക്കും.
ഓണ്ലൈന് വഴി ദര്ശനത്തിന് രജിസ്റ്റര് ചെയ്തവര്ക്ക് 18-ന് പ്രവേശനം നല്കും. തിരക്ക് നിയന്ത്രിക്കുന്നതിന്റെ ഭാഗമായി യു.എ.ഇ. യിലുള്ളവര് മാര്ച്ച് ഒന്നുമുതല് മാത്രമേ ക്ഷേത്ര സന്ദര്ശനത്തിന് ശ്രമിക്കാവൂയെന്ന് ബാപ്സ് ക്ഷേത്ര മേധാവി സ്വാമി ബ്രഹ്മവിഹാരിദാസ് പത്രസമ്മേളനത്തില് പറഞ്ഞു.
അബുദാബി സര്ക്കാര് സൗജന്യമായി നല്കിയ സ്ഥലത്ത് 2018 ഫെബ്രുവരിയിലാണ് ക്ഷേത്രത്തിന് ശിലയിട്ടത്. ദുബായ്-അബുദാബി ഹൈവേയിലെ അബു മുറൈഖയില് 27 ഏക്കര് സ്ഥലത്ത് പിങ്ക് മണല്ക്കല്ലും വെള്ള മാര്ബിളും കൊണ്ടാണ് ക്ഷേത്രം നിര്മിച്ചിരിക്കുന്നത്.
യു.എ.ഇ.യിലെ ഏഴ് എമിറേറ്റുകളെ പ്രതിനിധാനം ചെയ്യുന്ന ഏഴ് ഗോപുരങ്ങളാണ് ക്ഷേത്രത്തിന്റെ പ്രധാന ആകര്ഷണം. ക്ഷേത്രത്തിലെ വിഗ്രഹപ്രതിഷ്ഠ 14-ന് രാവിലെ നടക്കും.ക്ഷണിക്കപ്പെട്ടവര്ക്ക് മാത്രമാണ് ഉദ്ഘാടന ദിനത്തില് പ്രവേശനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.