ഗാന്ധിജി പറഞ്ഞതും രാമരാജ്യത്തെ പറ്റിയാണ് ; നമുക്ക് ഒന്നിക്കാനായില്ലെങ്കില്‍ വരും തലമുറകള്‍ നമ്മോട് ക്ഷമിക്കില്ല ; രാമനാമം ചൊല്ലി ഫറൂഖ് അബ്ദുള്ള,,

ശ്രീനഗര്‍ : രാമഭജന ചൊല്ലി ജമ്മു കശ്മീര്‍ മുൻ മുഖ്യമന്ത്രി ഫറൂഖ് അബ്ദുള്ള . രാജ്യസഭാ എംപി കപില്‍ സിബലുമായുള്ള യൂട്യൂബ് ചാനല്‍ ചര്‍ച്ചകള്‍ക്കിടെയായിരുന്നു രാമനാമജപം

"പാകിസ്താനില്‍ മൗലാന അസ്രാര്‍ ഉണ്ടായിരുന്നു, രണ്ട് പുസ്തകങ്ങളില്‍ അദ്ദേഹം ശ്രീരാമനെയും ബുദ്ധനെയും കുറിച്ച്‌ എഴുതിയിട്ടുണ്ട്. അദ്ദേഹം ഒരു ചക്രവര്‍ത്തിയായിരുന്നു. മഹാത്മാഗാന്ധി പറഞ്ഞത് ഓര്‍ക്കുന്നുണ്ടോ.

രാമരാജ്യ. രാമരാജ്യത്തിന്റെ അര്‍ത്ഥമെന്താണ്? എല്ലാവരും തുല്യരാണ്. ഒരു വ്യത്യാസവുമില്ല… " ഫറൂഖ് അബ്ദുള്ള പറഞ്ഞു.മതം മനസ്സിലാക്കാൻ ആളുകളോട് അഭ്യര്‍ത്ഥിക്കുക

ജനങ്ങളോട് അവരുടെ മതം മനസ്സിലാക്കാൻ ശ്രമിക്കണമെന്നും മതം മനസ്സിലാക്കുന്ന ദിവസം ആരെയും വെറുക്കില്ലെന്നും ഫാറൂഖ് അബ്ദുള്ള പറഞ്ഞു. ഇന്ന് നമ്മള്‍ ഒന്നിച്ച്‌ എങ്ങനെ രാജ്യത്തെ രക്ഷിക്കാമെന്ന് ചിന്തിക്കണം . നമുക്ക് ഒന്നിക്കാനായില്ലെങ്കില്‍ വരും തലമുറകള്‍ നമ്മോട് ക്ഷമിക്കില്ല.

നമ്മള്‍ ഈ രാജ്യത്തെ പൗരന്മാരല്ലേ, രാജ്യത്തിനെതിരെ എന്ത് കലാപമാണ് ഞങ്ങള്‍ നടത്തിയത്, ഞങ്ങള്‍ രാജ്യത്തിന് വേണ്ടി ത്യാഗങ്ങള്‍ ചെയ്തു, ഞങ്ങളുടെ മന്ത്രിമാരുടെയും എം‌എല്‍‌എമാരുടെയും കാറുകളില്‍ ബോംബ് വച്ചു. ഞങ്ങളുടെ ബന്ധുക്കളും കൊല്ലപ്പെട്ടു.- ഫറൂഖ് അബ്ദുള്ള പറഞ്ഞു.