കോട്ടയം: ബേക്കര്‍ മെമ്മോറിയല്‍ ഹൈസ്കൂള്‍, ഹയര്‍ സെക്കൻഡറി സ്കൂള്‍ എന്നിവിടങ്ങളില്‍ മോഷണം നടത്തിയ രണ്ടു പേര്‍ കോട്ടയം വെസ്റ്റ് പോലീസിന്റെ പിടിയിലായി.
കൊല്ലം സ്വദേശികളായ സുധിദാസ്, വിനോജ് എന്നിവരെയാണ് പോലീസ് കൊല്ലത്ത് എത്തി പിടികൂടിയത്.
ബുധനാഴ്ച ഉച്ചക്ക് രണ്ടരയോടെ പ്രതികളെ സ്കൂളില്‍ എത്തിച്ച്‌ തെളിവെടുത്തു. മോഷണം നടത്തിയ രീതി ഇവര്‍ പൊലീസിന് വിശദീകരിച്ച്‌ നല്‍കി.
ഹൈസ്കൂളിലും ഹയര്‍സെക്കൻഡറി സ്കൂളുകളിലുമായി സ്ഥാപിച്ചിരുന്ന നിരീക്ഷണ ക്യാമറകളുടെ രണ്ട് ഡിവിആര്‍ യൂണിറ്റുകള്‍, അധ്യാപകരുടെ ബാഗുകള്‍, ജീവകാരുണ്യ പ്രവര്‍ത്തനങ്ങള്‍ക്കായി വിദ്യാര്‍ഥിനികള്‍ നിക്ഷേപിക്കുന്ന ചാരിറ്റി ബോക്സുകള്‍, രണ്ട് ഡിജിറ്റല്‍ ക്യാമറ, എന്നിവയായിരുന്നു മോഷണം പോയത്.
അന്വേഷണത്തിനിടെ, മോഷ്ടാക്കള്‍ സ്കൂള്‍ വളപ്പിലെ കിണറ്റില്‍ ഉപേക്ഷിച്ച നിരീക്ഷണ ക്യാമറയുടെ ഡിവിആര്‍ കണ്ടെത്തിയിരുന്നു.
ജില്ലയില്‍ നടന്ന നിരവധി മോഷണത്തില്‍ ഇവര്‍ക്ക് പങ്കുണ്ടെന്ന സംശയം ഉള്ളതിനാല്‍ പ്രതികളെ ചോദ്യം ചെയ്തു വരികയാണെന്നു പോലീസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.