കൈവെട്ട് കേസിലെ പ്രതിയാണെന്ന് അറിഞ്ഞിരുന്നില്ല.. ആരുമില്ലെന്ന് പറഞ്ഞതിനാൽ മകളെ വിവാഹം ചെയ്തു നൽകി ' സാവാദിന്റെ ഭാര്യാ പിതാവിന്റെ പ്രതികരണം

കാസർകോട്: സവാദ് കൈവെട്ട് കേസ് പ്രതിയാണെന്ന് അറിഞ്ഞത് ടിവിയിൽ വാർത്ത കണ്ടപ്പോഴാണെന്ന് ഭാര്യാ പിതാവ് അബ്ദുൽ റഹ്മാൻ.

ഉള്ളാൾ ദർഗയിൽ വെച്ചാണ് സവാദിനെ പരിചയപ്പെടുന്നത്. നല്ല ചെറുപ്പക്കാരനാണെന്ന് കണ്ട് മകളെ വിവാഹം കഴിച്ച് നൽകുകയായിരുന്നു.

കണ്ണൂർ സ്വദേശി ഷാജഹാൻ ആണെന്ന് പറഞ്ഞാണ് മകളെ വിവാഹം കഴിച്ചതെന്ന് അബ്ദുൽ റഹ്മാൻ പറഞ്ഞു. വിവാഹ സമയത്ത് പള്ളിയിൽ പറഞ്ഞ പേരും ഷാജഹാൻ എന്നാണ്.

തനിക്ക് ആരുമില്ലെന്ന് പറഞ്ഞതിനാൽ കൂടുതൽ അന്വേഷണം നടത്തിയില്ലെന്നും അബ്ദുൽ റഹ്മാൻ പറയുന്നു.