കോട്ടയം :സെന്റ് മേരീസ് ഫൊറോനാ പള്ളിയിലെ വിശുദ്ധ സെബസ്ത്യാനോസിന്റെ തിരുനാളിനോടനുബന്ധിച്ച് ഇന്നലെ വലിയ പള്ളിയിൽ ബധിരർക്കും മൂകർക്കുമുള്ള പ്രത്യേക പ്രാർഥന നടന്നു.
തൊടുപുഴ, പാലാ, കോട്ടയം, ചങ്ങനാശേരി, ഇടുക്കി മേഖലയിൽ നിന്നായി നൂറുകണക്കിനു ബധിരരും മൂകരും പങ്കെടുത്തു. കോട്ടയം നവധ്വനി ഡയറക്ടർ ഫാ. ബിജു മൂലക്കര മുഖ്യകാർമികത്വം വഹിച്ചു. ഫാ. ജിജോ കൂട്ടുമ്മാക്കൽ, ഫാ. ഷിന്റോ ആരുചേരിൽ, ഡിക്കൺ ജോസഫ് തേവർമഠം എന്നിവർ സഹകാർമികരായിരുന്നു. കഴിഞ്ഞ വർഷം മുതലാണ് അതിരമ്പുഴയിൽ പ്രത്യേക പ്രാർഥന ആരംഭിച്ചത്. ഹോളിക്രോസ് പ്രൊവിഷനിലെ അംഗമായ ഫാ. ബിജു മൂലക്കര 2003ലാണ് ആംഗ്യഭാഷാപഠനം തുടങ്ങിയത്.
കനേഡിയൻ വൈദികനായ ഫാ. ഹാരിസ് സ്റ്റോക്സ് ആണു ഗുരു. 2008ൽ പൗരോഹിത്യം സ്വീകരിച്ച അദ്ദേഹം ആദ്യമായി കുർബാന അർപ്പിച്ചതും ആംഗ്യഭാഷയിലാണ്. 2017ലാണു കേൾവിപരിമിതർക്കു വേണ്ടി നവധ്വനിയെന്ന പ്രസ്ഥാനം ആരംഭിച്ചത്.
.jpg)
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.