വീണ്ടും കാട്ടാന ആക്രമണം, ചിന്നക്കനാലിൽ തോട്ടം തൊഴിലാളിക്ക് ദാരുണാന്ത്യം

ഇടുക്കി: ഇടുക്കി ചിന്നക്കലാലിൽ കാട്ടാനയുടെ ആക്രമണത്തിൽ തോട്ടം തൊഴിലാളി മരിച്ചു. തേയില തോട്ടത്തിൽ ജോലിയ്ക്കായി പോവുകയായിരുന്ന പരിമളമാണ് മരിച്ചത്.

തിങ്കളാഴ്ച രാവിലെയായിരുന്നു സംഭവം.ഇവർക്കൊപ്പം വേറെയും തൊഴിലാളികളുണ്ടായിരുന്നു. കാട്ടാന തൊഴിലാളികൾക്കു നേരെ പാഞ്ഞതോടെ എല്ലാവരും ചിതറി ഓടുകയായിരുന്നു.

പിന്നാലെ എത്തിയ കാട്ടാന പരിമളത്തെ ആക്രമിക്കുകയായിരുന്നു. ഗുരുതരമായി പരുക്കേറ്റ പരിമളത്തെ തേനി മെഡിക്കൽ കോളെജിലെത്തിച്ചെങ്കിലും മരിക്കുകയായിരുന്നു.