തെലങ്കാനയിൽ താരവും താരകവു മാകാൻ വൈ.എസ്.ശർമിള റെഡ്ഡി

ആന്ധ്ര : ആന്ധ്രപ്രദേശ് കോൺഗ്രസ് അധ്യക്ഷയായി വൈ.എസ്.ശർമിള റെഡ്ഡിയെ നിയമിച്ചു.

കോൺഗ്രസ് അധ്യക്ഷൻ മല്ലികാർജുൻ ഖാർഗെയാണ് ശർമിളയെ പിസിസി അധ്യക്ഷയായി നിയമിച്ചത്.

ആന്ധ്രാപ്രദേശ് കോൺഗ്രസ് അധ്യക്ഷസ്ഥാനത്തുനിന്ന് ഗിഡുഗു രുദ്രരാജു കഴിഞ്ഞ ദിവസം രാജിവെച്ചിരുന്നു. ഗിഡുഗു രുദ്രരാജുവിനെ കോൺഗ്രസ് പ്രവർത്തക സമിതിയിൽ പ്രത്യേക ക്ഷണിതാവാക്കുകയും ചെയ്തിട്ടുണ്ട്.

ആന്ധ്ര മുഖ്യമന്ത്രി വൈ.എസ്. ജഗൻമോഹൻ റെഡ്ഡിയുടെ സഹോദരിയും മുൻ മുഖ്യമന്ത്രിയുമായ വൈസ്. രാജശേഖര റെഡ്ഡിയുടെ മകളുമായ ശർമിളയുടെ വൈ.എസ്.ആർ. ഈ മാസം ആദ്യമാണ് തെലങ്കാന കോൺഗ്രസ് പാർട്ടി കോൺഗ്രസിൽ ലയിച്ചത്.

കോൺഗ്രസ് പ്രസിഡന്റ് മല്ലികാർജുൻ ഖാർഗെയുടെയും രാഹുൽ ഗാന്ധിയുടെയും സാന്നിധ്യത്തിലായിരുന്നു ശർമിള കോൺഗ്രസിൽ ചേർന്നത്.

തെലങ്കാനയിൽ നടന്ന നിയമസഭാ തിരഞ്ഞെടുപ്പിനിടെയാണ് ശർമിള കോൺഗ്രസിന് പിന്തുണ പ്രഖ്യാപിച്ചത്.