കൊച്ചി: മാധ്യമപ്രവര്ത്തകയെ അപമാനിച്ചെന്ന കേസില് നടനും ബി.ജെ.പി നേതാവുമായ സുരേഷ് ഗോപിക്ക് മുന്കൂര് ജാമ്യം. കേസില് സുരേഷ് ഗോപിയെ അറസ്റ്റ് ചെയ്യേണ്ട സാഹചര്യം ഇല്ലെന്ന് സര്ക്കാര് ഹൈക്കോടതിയെ അറിയിച്ചു.
അറസ്റ്റ് ചെയ്താല് ജാമ്യത്തില് വിടാന് കോടതി നിര്ദ്ദേശിച്ചു. എന്നാല് അറസ്റ്റ് ചെയ്യേണ്ട സാഹചര്യം ഇല്ലെന്ന് സര്ക്കാര് ഹൈക്കോടതിയെ അറിയിക്കുകയായിരുന്നു. കഴിഞ്ഞ ദിവസം മുന്കൂര്ജാമ്യ ഹര്ജി പരിഗണിക്കുന്നതിനിടെ സര്ക്കാര് നിലപാടറിയിക്കാന് ഹൈക്കോടതി നിര്ദ്ദേശിച്ചിരുന്നു. അതിന് പിന്നാലെയാണ് കേസ് ഇന്ന് വീണ്ടും പരിഗണിച്ചത്.
മോശം ഉദ്ദേശത്തോടെ സുരേഷ് ഗോപി സ്പര്ശിച്ചെന്ന് വ്യക്തമാക്കിയ മാധ്യമ പ്രവര്ത്തകയുടെ പരാതിയിലാണ് കോഴിക്കോട് നടക്കാവ് പോലീസ് സുരേഷ് ഗോപിക്കെതിരേ കേസെടുത്തത്. പരാതിയില് 354 A വകുപ്പ് ചുമത്തിയാണ് പോലീസ് കേസ് എടുത്തത്.
സുരേഷ് ഗോപിയെ ചോദ്യംചെയ്ത് നേരത്തെ വിട്ടയച്ചിരുന്നു. എന്നാല്, ഗുരുതര വകുപ്പ് ചുമത്തിയ സാഹചര്യത്തിലാണ് മുന്കൂര് ജാമ്യം തേടി അദ്ദേഹം ഹൈക്കോടതിയെ സമീപിച്ചത്.കോഴിക്കോട് നഗരത്തിലെ സ്വകാര്യ ഹോട്ടലില്വെച്ചായിരുന്നു കേസിനാസ്പദമായ സംഭവം.
ലോക്സഭാ തിരഞ്ഞെടുപ്പുമായി ബന്ധപ്പെട്ട തുടര് ചോദ്യങ്ങള് ചോദിക്കുന്നതിനിടെ സുരേഷ് ഗോപി മാധ്യമപ്രവര്ത്തകയുടെ തോളില് കൈവെക്കുകയായിരുന്നു. ഒഴിഞ്ഞുമാറിയെങ്കിലും വീണ്ടും തോളില് കൈവെച്ച നടപടി ആവര്ത്തിച്ചപ്പോള് സുരേഷ് ഗോപിയുടെ കൈ മാധ്യമപ്രവര്ത്തക എടുത്ത് മാറ്റുകയും ചെയ്തിരുന്നു.
വാത്സല്യപൂര്വ്വമായിരുന്നു തന്റെ പെരുമാറ്റമെന്നായിരുന്നു സുരേഷ് ഗോപിയുടെ വിശദീകരണം. മാധ്യമപ്രവര്ത്തകയ്ക്ക് എന്തെങ്കിലും തരത്തിലുള്ള വിഷമം ഉണ്ടായിട്ടുണ്ടെങ്കില് ക്ഷമ ചോദിക്കുന്നതായും അദ്ദേഹം പറഞ്ഞു. എന്നാല്, ഇത് തള്ളിക്കൊണ്ടാണ് മാധ്യമപ്രവര്ത്തക പരാതിയുമായി മുന്നോട്ടുപോയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.