ഡബ്ബിങ്ങില്‍ പുലി മമ്മൂക്ക തന്നെ: ബൈജു

മലയാളത്തിന്‍റെ മഹാനടനാണ് മമ്മൂട്ടി. വ്യത്യസ്തമായ കഥാപാത്രങ്ങളിലൂടെ മമ്മൂക്ക മലയാളികളെ എന്നും വിസ്മയിപ്പിച്ചുണ്ട്.

യുവ സംവിധായകര്‍ക്ക് ഏറ്റവും കൂടുതല്‍ അവസരം നല്‍കിയിട്ടുള്ള സൂപ്പര്‍താരം കൂടിയാണ് മമ്മൂക്ക. സഹപ്രവര്‍ത്തകരോട് എന്നും സ്നേഹത്തോടെ മാത്രം പെരുമാറാറുള്ള മമ്മൂക്ക കണിശക്കാരനുമാണ്. ഷൂട്ടിങ് സമയത്തു മാത്രമല്ല, ഡബ്ബിങ് സ്റ്റുഡിയോയിലും മമ്മൂട്ടി വ്യത്യസ്തനാണ്.

നടൻ ബൈജുവാണ് മമ്മൂക്കയുടെ ഡബ്ബിങ്ങിനെക്കുറിച്ച്‌ അടുത്തിടെ പറഞ്ഞത്. ഡബ്ബിംഗിന്‍റെ കാര്യത്തില്‍ തൻ കണ്ടതില്‍ മന്നൻ മമ്മൂക്കയാണെന്നാണ് ബൈജു പറഞ്ഞത്. 

ഒരു കഥാപാത്രത്തിന്‍റെ കൃത്യമായ അളവ് അദ്ദേഹത്തിന് അറിയാമായിരിക്കും. ഒരു സീനില്‍ എങ്ങനെ ശബ്‌ദം കൊടുക്കണം, എന്തൊക്കെ മോഡുലേഷൻ കൊടുക്കണം എന്നൊക്കെ കൃത്യമായ ധാരണ അദ്ദേഹത്തിന് ഉണ്ടെന്നതാണ് പ്രത്യേകത.

ആ കാര്യത്തില്‍ മലയാളത്തിലെ ഏറ്റവും മിടുക്കൻ മമ്മൂക്ക തന്നെയാണ്. അദ്ദേഹത്തിന്‍റെ ഡബ്ബിംഗ് ഒരു പ്രത്യേക രീതിയാണ്. ചിലപ്പോള്‍ ദിവസങ്ങള്‍ എടുത്താണ് അദ്ദേഹം ഡബ്ബിങ് പൂര്‍ത്തിയാക്കാറുള്ളത്- ബൈജു പറഞ്ഞു.