തിരുവനന്തപുരം: നവകേരള സദസിനെതിരായ പ്രതിഷേധങ്ങള്ക്കിടെയുള്ള സംഘര്ഷം വീടുകളിലേക്ക്.
ആറ്റിങ്ങലില് പരസ്പരം വീടുകള് ആക്രമിച്ചുകൊണ്ടാണ് യൂത്ത് കോണ്ഗ്രസ്-ഡിവൈഎഫ്ഐ പ്രവര്ത്തകര് ഏറ്റുമുട്ടിയത്.
വെഞ്ഞാറമൂട്, ആറ്റിങ്ങല് ഭാഗങ്ങളില് വ്യാപക സംഘര്ഷമാണ് ഇന്നലെ നടന്നത്. മൂന്നു വീടുകളാണ് അടിച്ച് തകര്ത്തത്.
മുഖ്യമന്ത്രിയെ കരിങ്കൊടി കാണിച്ച യൂത്ത് കോണ്ഗ്രസ് ആറ്റിങ്ങല് നിയോജക മണ്ഡലം പ്രസിഡന്റ് സുഹൈലിന്റെ വീടിന് പൊലീസ് കാവലുണ്ടായിട്ടും, സംഘമായി എത്തിയ 20ലധികം ഡിവൈഎഫ്ഐ- സിപിഎം പ്രവര്ത്തകര് ആക്രമിക്കുകയായിരുന്നു. തുടര്ന്ന് യൂത്ത് കോണ്ഗ്രസ് പ്രവര്ത്തകര് ആറ്റിങ്ങലില് പ്രകടനം നടത്തി.
നവകേരള സദസിന്റെ ഭാഗമായി സ്ഥാപിച്ച ഫ്ലക്സുകള് പ്രവര്ത്തകര് നശിപ്പിച്ചു. ഈ സംഭവത്തിന് പിന്നാലെ ആറ്റിങ്ങല് നഗരസഭ സ്റ്റാൻഡിങ് കമ്മിറ്റി ചെയര്മാൻ നജമിന്റെ വീട് യൂത്ത് കോണ്ഗ്രസ് പ്രവര്ത്തകര് ആക്രമിച്ചു.
യൂത്ത് കോണ്ഗ്രസുകാരുടെ വീട് കയറിയുള്ള ആക്രമണത്തില് പ്രതിഷേധിച്ച് ആലംകോടും കരവാരം പഞ്ചായത്തിലും യുഡിഎഫ് ഹര്ത്താലിന് ആഹ്വാനം ചെയ്തു.
വഴിനീളെ പ്രതിപക്ഷത്തിന്റെ പ്രതിഷേധവും കരിങ്കൊടിയും; നവകേരള സദസിന് നാളെ കൊട്ടിക്കലാശം, പോര്വിളി തുടരുന്നു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.