കൊല്ലം: കൊല്ലം ചിതറയില്‍ നവകേരള സദസ്സിന്‍റെ പഞ്ചായത്ത് തല വിളംബര ഘോഷയാത്രയില്‍ വിദ്യാര്‍ത്ഥികളെ പങ്കെടുപ്പിക്കണമെന്ന് പഞ്ചായത്ത് പ്രസിഡന്‍റിന്‍റെ സര്‍ക്കുലര്‍..jpeg)
സി.പി.എം ഭരിക്കുന്ന പഞ്ചായത്തിലെ പ്രസിഡന്‍റ് എം.എസ് മുരളിയുടേതാണ് സര്‍ക്കുലര്‍. അധ്യാപകരും അനധ്യാപകരും എൻ.സി.സി, എൻ.എസ്.എസ്, ജെ.ആര്‍.സി , എസ്.പി.സി വോളണ്ടിയര്‍മാരും പിടിഎ ഭാരവാഹികളും പങ്കെടുക്കണമെന്നാണ് സ്കൂളുകള്‍ക്ക് അയച്ച സര്‍ക്കുലറിന്‍റെ ഉള്ളടക്കം.
ഇന്ന് വൈകിട്ട് മൂന്ന് മണിക്ക് മുള്ളിക്കാട് ജംഗ്ഷനില്‍ നിന്ന് ചിതറ ജംഗ്ഷനിലേക്കാണ് വിളംബര ഘോഷയാത്ര. സര്‍ക്കുലറിന് നിര്‍ബന്ധിത സ്വഭാവമില്ലെന്നാണ് എം.എസ് മുരളിയുടെ വിശദീകരണം.
അതേസമയം കൊല്ലം കടക്കല്‍ ക്ഷേത്ര മൈതാനത്തെ നവകേരള സദസ്സ് വേദി മാറ്റി. ചടയമംഗലം നിയോജക മണ്ഡലത്തിലെ ചക്കുവള്ളിയിലെ വേദിസംബന്ധിച്ച്‌ ഹൈക്കോടതിയില്‍ നിന്ന് തിരിച്ചടി ഉണ്ടായ പശ്ചാത്തലത്തില്‍ ആണ് വേദി മാറ്റുന്നത്.
കടയ്ക്കല്‍ ക്ഷേത്രത്തില്‍ വേദിയാക്കിയതിനു എതിരെയുള്ള കേസ് തിങ്കളാഴ്ച കോടതി പരിഗണിക്കാനിരിക്കെയാണ് തീരുമാനം. കടയ്ക്കല്‍ ബസ് സ്റ്റാൻഡിലാകും പുതിയ വേദി. 20 ന് ആണ് കടക്കലില്‍ നവകേരള സദസ്സ് നടക്കുന്നത്.
മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സിന്‍റെ ആലപ്പുഴ ജില്ലയിലെ പര്യടനം ഇന്ന് പൂര്‍ത്തിയാക്കി പത്തനംതിട്ട ജില്ലയിലേക്ക് പ്രവേശിക്കും.
രാവിലെ 11 മണിക്ക് കായംകുളം മണ്ഡലത്തിലും ഉച്ചക്ക് മാവേലിക്കരയിലും വൈകിട്ട് ചെങ്ങന്നൂരിലും നവകേരള സദസ്സ് നടക്കും. ഇതോടെ ആലപ്പുഴ ജില്ലയിലെ പര്യടനം അവസാനിക്കും. വൈകിട്ട് ആറു മണിക്ക് തിരുവല്ല മണ്ഡലത്തിലാണ് പത്തനംതിട്ടയിലെ ആദ്യ പരിപാടി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.