ആലപ്പുഴ ജില്ലക്കാരനായ മലയാളി യുവാവ് ദുബായില്‍ അന്തരി

ദുബായ്: ആലപ്പുഴ ജില്ലക്കാരനായ മലയാളി യുവാവ് ദുബായില്‍ ഹൃദയാഘാതം മൂലം അന്തരിച്ചു. കായംകുളം കറ്റാനം വരിക്കോലിത്തറയില്‍ സാന്തോം വീട്ടില്‍ റെക്‌സ് വര്‍ഗീസ് (43) ആണ് മരിച്ചത്.

വരിക്കോലിത്തറയില്‍ വര്‍ഗീസ്-മോളി ദമ്പതികളുടെ മകനാണ്. മഷ്‌രിഖ് ബാങ്ക് ദുബായ് മുറാഖാബാദ് ശാഖയില്‍ ഇന്‍ഷുറന്‍സ് സ്‌പെഷ്യലിസ്റ്റായി ജോലി ചെയ്തുവരികയായിരുന്നു.

എറണാകുളം വാഴക്കാല കെഎംഎം കോളേജ് അധ്യാപിക സാറയാണ് ഭാര്യ. മക്കള്‍: റയാന്‍, റൂബന്‍. മൃതദേഹം നിയമനടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കള്‍ അറിയിച്ചു