മണ്ഡല പൂജക്ക് ശേഷം ശബരിമല നടയടച്ചു. രാത്രി 11 മണിയോടെയാണ് നട അടച്ചത്.

പത്തനംതിട്ട :മണ്ഡല പൂജക്ക് ശേഷം ശബരിമല നടയടച്ചു. രാത്രി 11 മണിയോടെയാണ് നട അടച്ചത്.

ഇനി മകരവിളക്ക് മഹോത്സവത്തിനായി ഡിസംബർ 30 ന് വൈകിട്ടാകും നട തുറക്കുക. 41 ദിവസത്തെ വ്രതാനുഷ്ഠാനങ്ങൾ പൂർത്തിയാക്കിയാണ് സന്നിധാനത്ത് മണ്ഡലപൂജ ചടങ്ങുകൾ നടന്നത്.

മകരവിളക്കുമായി ബന്ധപ്പെട്ട് പ്രസാദ ശുദ്ധക്രിയകൾ ജനുവരി 13 ന് വൈകിട്ട് നടക്കും. ജനുവരി 14 ന് രാവിലെ ബിംബശുദ്ധിക്രിയകളും നടക്കും.

മകരവിളക്കിന് വെളുപ്പിന് 2.46 ന് മകരസംക്രമ പൂജ ആരംഭിക്കും. പതിവു പൂജകൾക്കുശേഷം വൈകിട്ട് അഞ്ച് മണിക്കാകും അന്ന് നട തുറക്കുക.