നാല് സംസ്ഥാനങ്ങളിലെ വോട്ടെണ്ണൽ നാളെ' കൂട്ടിയും കിഴിച്ചും മുന്നണികൾ

ന്യൂഡൽഹി : അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പിൽ,മിസോറാമിലെ ഒഴികെ ബാക്കി നാലിടങ്ങളിലെ വോട്ടെണ്ണൽ നാളെ നടക്കും.

മിസോറാമിലെ വോട്ടെണ്ണൽ തിങ്കളാഴ്ചത്തേക്ക് മാറ്റിയിരുന്നു . ഞായറാഴ്ച പ്രാർത്ഥനയടക്കമുള്ള ചടങ്ങുകൾ ചൂണ്ടിക്കാട്ടിയാണ് വോട്ടെണ്ണൽ തിങ്കളാഴ്ചയാക്കിയത് .

രാവിലെ 8 മണി മുതലാണ് വോട്ടെണ്ണൽ. പത്തു മണിയോടെ ആദ്യ ഫലസൂചനകൾ അറിയാനാകും. എക്സിറ്റ് പോൾ റിപ്പോർട്ടുകളെ അടിസ്ഥാനമാക്കി അണിയറയിൽ രാഷ്ട്രീയ നീക്കങ്ങൾ ശക്തമാക്കി മുന്നണികൾ.

രാമക്ഷേത്രത്തിന്റെ ഉദ്ഘാടനത്തോട് അടുത്ത് നടക്കാൻ പോകുന്ന ലോക് സഭ തിരഞ്ഞെടുപ്പ് രാഷ്ട്രീയയമായി ബിജെപിക്ക് നേട്ടം ഉണ്ടാക്കാൻ ആകുമെന്ന പ്രതീക്ഷ NDA മുന്നണിയിൽ ഉണ്ടെങ്കിലും,

INDIA മുന്നണിയുടെ കാര്യത്തിൽ ഇതുവരെ വ്യക്തത വരാത്ത സാഹചര്യത്തിൽ നിയമ സഭ തിരഞ്ഞെടുപ്പ് കോൺഗ്രസ്സിന് ജീവൻ മരണ പോരാട്ടമാകും എന്നാണ് രാഷ്ട്രീയ കേന്ദ്രങ്ങൾ സൂചിപ്പിക്കുന്നത്.