ചായക്കടയിലേക്ക് ലോറി പാഞ്ഞുകയറി; 5 ശബരിമല തീർഥാടകർക്ക് ദാരുണാന്ത്യം

തമിഴ്‌നാട്: തമിഴ്‌നാട്ടിൽ ചായക്കടയിലേക്കു ലോറി പാഞ്ഞുകയറിയുണ്ടായ അപകടത്തിൽ 5 ശബരിമല തീർഥാടകർ മരിച്ചു. 19 പേർക്കു പരുക്കേറ്റു.

ശനിയാഴ്ച രാവിലെ പുതുക്കോട്ടയിലായിരുന്നു അപകടം. മൂന്നു വാഹനങ്ങളിലായി സഞ്ചരിച്ച തീർഥാടകരാണ് അപകടത്തിൽപ്പെട്ടത്. ഇവർ ചായ കുടിക്കാനിറങ്ങിയ കടയിലേക്കു ലോറി പാഞ്ഞുകയറുകയായിരുന്നു.

തിരുവള്ളൂർ സ്വദേശികളാണ് മരിച്ചതെന്നാണു വിവരം. ഇവരിൽ ഒരു സ്ത്രീയുമുണ്ട്. മരിച്ചവരെ തിരിച്ചറിഞ്ഞിട്ടില്ല.