വരയ്ക്കാൻ നിരവധി ചിത്രങ്ങൾ ബാക്കി വെച്ച് 'എക്സികുട്ടൻ' യാത്രയായി,.. പ്രശസ്ത കാർട്ടൂണിസ്റ്റ് രജീന്ദ്രകുമാർ അന്തരിച്ചു

കോഴിക്കോട്: പ്രശസ്ത കാർട്ടൂണിസ്റ്റ് രജീന്ദ്രകുമാർ അന്തരിച്ചു. ഇന്ന് (തിങ്കൾ, ഡിസംബർ 25) വൈകീട്ടോടെയാണ് അന്ത്യം സംഭവിച്ചത്. 

മാതൃഭൂമിയിൽ പരസ്യവിഭാഗത്തിലെ ജീവനക്കാരനാണ്. 59 വയസ്സായിരുന്നു.മാതൃഭൂമി ദിനപത്രത്തിലെ എക്സികുട്ടൻ എന്ന കാർട്ടൂൺ പംക്തി കൈകാര്യം ചെയ്തിരുന്നത് രജീന്ദ്രകുമാറാണ്. 

ഈ പംക്തി ഏറെ ജനകീയമായിരുന്നു. പലപ്പോഴും എക്സികുട്ടനിൽ വന്ന കാർട്ടൂണുകൾ സംസ്ഥാന രാഷ്ട്രീയത്തിൽ ശ്രദ്ധ നേടുകയും ചർച്ചയാകുകയും ചെയ്തിട്ടുണ്ട്.നിരവധി പുരസ്കാരങ്ങൾ ലഭിച്ചിട്ടുണ്ട്. ഭാര്യ മിനി. മക്കള്‍: മാളവിക, ഋഷിക