ഭാര്യയെയും ഏഴുവയസ്സുകാരി മകളെയും ക്രൂരമായി വെട്ടിപ്പരിക്കേൽപിച്ച ശേഷം പെട്രോൾ ഒഴിച്ച് യുവാവ് ആത്മഹത്യ ചെയ്തു.

കൊല്ലം; ഭാര്യയെയും ഏഴു വയസ്സുകാരി മകളെയും ക്രൂരമായി വെട്ടി പരുക്കേൽപ്പിച്ച ശേഷം യുവാവ് പെട്രോൾ ഒഴിച്ച് തീ കൊളുത്തി ആത്മഹത്യ ചെയ്തു. പത്തനാപുരം പിടവൂർ ലതീഷ്ഭവനിൽ രൂപേഷ് (38) ആണ് മരിച്ചത്.

ഗുരുതരമായി പരുക്കേറ്റ അഞ്ജു (27), മകൾ ആരുഷ്മ (7) എന്നിവര്‍ തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണ്. വെള്ളിയാഴ്ച പുലർച്ചെ മൂന്നു മണിയോടെയാണ് സംഭവം.  പത്തനാപുരം നടുക്കുന്ന് കുളങ്ങര നസീർ ഖാന്റെ വീട്ടിൽ വാടകയ്ക്ക് താമസിച്ചുവരികയായിരുന്നു രൂപേഷും കുടുംബവും . 

പത്തനാപുരം പൊലീസും ഫയർഫോഴ്സുമെത്തി തീ അണച്ച് രൂപേഷിനെ പുനലൂർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. രൂപേഷിന്റെ മൃതദേഹം പുനലൂർ താലൂക്ക് ആശുപത്രി മോർചറിയിൽ സൂക്ഷിച്ചിരിക്കുകയാണ്. ഓട്ടോ ഡ്രൈവറായിരുന്നു രൂപേഷിന്റെയും അഞ്ജുവിന്റെ പ്രണയവിവാഹമായിരുന്നു.