ഇന്ത്യൻ രഹസ്യവിവരങ്ങള്‍ ശത്രുരാജ്യത്തിന് ചോര്‍ത്തി നല്‍കി ;23 കാരൻ അറസ്റ്റില്‍,

മഹാരാഷ്ട്ര : ഇന്ത്യൻ രഹസ്യവിവരങ്ങള്‍ ശത്രുരാജ്യത്തിന് ചോര്‍ത്തി നല്‍കിയ വ്യക്തിയെ അറസ്റ്റ് ചെയ്ത് മഹാരാഷ്‌ട്ര എടിഎസ്. 23 കാരനായ ഗൗരവ് പാട്ടീലാണ് എടിഎസ്സിന്റെ പിടിയിലായതെന്നാണ് റിപ്പോര്‍ട്ട്.

സര്‍ക്കാരിനെ സംബന്ധിക്കുന്ന രഹസ്യവിവരങ്ങള്‍ പാകിസ്താൻ ഏജൻസിയുമായി പങ്കുവെച്ചതിന് തുടര്‍ന്നാണ് ഇയാളുടെ അറസ്റ്റ്. സമൂഹമാദ്ധ്യമങ്ങളായ വാട്‌സ്‌ആപ്പിലൂടെയും ഫെയ്‌സ്ബുക്കിലൂടെയുമാണ് ഇയാള്‍ പാക് ഏജൻസിയുമായി ബന്ധപ്പെട്ടിരുന്നത്.

പാകിസ്താൻ ആസ്ഥാനമായുള്ള പിഐഒ ഏജന്റിനാണ് ഇയാള്‍ രഹസ്യവിവരങ്ങള്‍ ചോര്‍ത്തി നല്‍കിയിരുന്നത്. 4 പേര്‍ക്കെതിരെ കേസെടുത്തിരിക്കുന്നത്. ‌രഹസ്യവിവരങ്ങള്‍ പങ്കുവെക്കുന്നതിനിടെ മറ്റ് മൂന്ന് പ്രതികളും ഗൗരവുമായി ബന്ധപ്പെട്ടിരുന്നുവെന്ന് എടിഎസ് പ്രസ്താവനയില്‍ പറഞ്ഞു.