' മണൽ റോഡിൽ മിനി ഹൈമാസ്‌ ലൈറ്റ് സ്ഥാപിച്ചു വെളിച്ചമെത്തിച്ച് ചെമ്മനാട് പഞ്ചായത്ത് '

കാസർഗോഡ്: ചെമ്മനാട് പഞ്ചായത്ത് ഒന്നാം വാർഡിൽ  ചെമ്മനാട് പഞ്ചായത്ത് വാർഷിക പദ്ധതിയിൽ പെടുത്തി മണൽ റോഡിൽ സ്ഥാപ്പിച്ച മിനി ഹൈമാസ് ലൈറ്റിന്റെ ഉദ്ഘാടനം ചെമ്മനാട് ഗ്രാമപഞ്ചായത്ത് പ്രസിഡന്റ് സുഫൈജ അബുബക്കർ നിർവഹിച്ചു.

പ്രദേശ വാസികളുടെ ഏറെ നാളത്തെ ആവശ്യമായിരുന്നു മണൽ റോഡിൽ ഹൈമാസ്‌ ലൈറ്റ് എന്നുള്ളത്.രാത്രി കാല യാത്രക്കാർക്കും പ്രദേശത്തെ നൂറുകണക്കിന് ജനങ്ങൾക്കും ഏറെ ഉപകാരപ്രദമാണ് സ്ഥാപിച്ച   മിനി ഹൈമാസ് ലൈറ്റെന്ന് അമീർ ബി പാലോത്ത് പറഞ്ഞു.

ചടങ്ങിൽ വാർഡ് മെമ്പർ അമീർ ബി പാലോത്ത് അധ്യക്ഷത വഹിച്ചു. സ്ഥിരം സമിതിഅധ്യക്ഷ ആയിഷ അബൂബക്കർ , ഷംസുദ്ദീൻ തെക്കിൽ, പഞ്ചായത്തംഗം മറിയ മാഹിൻ എന്നിവരും പ്രദേശ വാസികളും സംബന്ധിച്ചു