റേഷൻ വിതരണത്തിലെ തടസം ആധാര്‍ ഓതന്റിക്കേഷൻ നടക്കാത്തത് കാരണം: ജി.ആര്‍ അനില്‍,

തിരുവനന്തപുരം: സംസ്ഥാനത്തെ റേഷൻ വിതരണത്തില്‍ തടസ്സം വരുന്നതില്‍ കേന്ദ്രത്തെ പഴിചാരി സംസ്ഥാന സര്‍ക്കാര്‍. തടസമുണ്ടാകാൻ കാരണം ആധാര്‍ സംവിധാനത്തിലെ അപാകതയെന്ന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി ജി ആര്‍ അനില്‍ പറഞ്ഞു.

കഴിഞ്ഞ ദിവസങ്ങളില്‍ റേഷൻ വിതരണത്തില്‍ മണിക്കൂറുകളോളം തടസ്സം വന്നിരുന്നു. ഇ-പോസ് മിഷനിലെ തകരാറാണ് പ്രതിസന്ധിക്ക് കാരണമെന്നാണ് റേഷൻ കടയുടമകളുടെ ആരോപണം. എന്നാല്‍ പ്രശ്നം ഇ-പോസ് മിഷന്റെ അല്ല മറിച്ച്‌ ആധാര്‍ ഓതന്റിക്കേഷനാണെന്ന് മന്ത്രി വ്യക്തമാക്കുന്നത്.

വിഷയം കേന്ദ്ര ഏജൻസികളുടെ ശ്രദ്ധയില്‍പ്പെടുത്തിയിട്ടുണ്ട്. ജനങ്ങള്‍ക്ക് അരിവിതരണത്തിന് തടസം നേരിടില്ല. കാര്യക്ഷമമായ ഇടപെടലുണ്ടാകുമെന്നും മന്ത്രി വ്യക്തമാക്കി.