ആലപ്പുഴയിൽ 14 കാരന് പോലീസിന്റെ ക്രൂരമർദനം

ആലപ്പുഴ:ആലപ്പുഴയിൽ അതിഥി തൊഴിലാളിയുടെ 14 വയസ്സുള്ള മകന് പൊലീസിന്റെ ക്രൂരമർദനം. സ്റ്റേഷനിൽ ക്യാമറയില്ലാത്ത ഭാഗത്തു വച്ചായിരുന്നു മർദിച്ചത്.

മുതുകിൽ ചവിട്ടുകയും ലാത്തികൊണ്ട് അടിക്കുകയും ചെയ്തു. ആൺകുട്ടിയുടെ ശരീരത്തിൽ മർദനമേറ്റതിന്റെ പാടുകളുണ്ടെന്ന് ഡോക്ടർ വ്യക്തമാക്കി. 

പരാതി അന്വേഷിക്കുമെന്ന് ശിശുക്ഷേമ സമിതി അധ്യക്ഷ അറിയിച്ചു. കുട്ടി ഓടിച്ച ഇലക്ട്രിക് സ്കൂട്ടർ ഒരു പെൺകുട്ടിയെ ഇടിച്ചതിനെ തുടർന്നാണ് സ്റ്റേഷനിലേക്കു വിളിപ്പിച്ചത്.