ജൂവലറിയില്‍ സ്വര്‍ണാഭരണം വാങ്ങാനെത്തിയ യുവതിയോട് മോശമായി പെരുമാറിയ കട ഉടമ അറസ്റ്റില്‍.

കോതമംഗലം: ജൂവലറിയില്‍ സ്വര്‍ണാഭരണം വാങ്ങാനെത്തിയ യുവതിയോട് മോശമായി പെരുമാറിയ കട ഉടമ അറസ്റ്റില്‍.

നെല്ലിക്കുഴി ജെംസ് ജൂവലറി ഉടമ മുളവൂര്‍ തായിക്കാട്ട് വീട്ടില്‍ ബക്കറിനെ (51)യാണ് കോതമംഗലം പോലീസ് അറസ്റ്റ് ചെയ്തത്. തിങ്കളാഴ്ചയാണ് സംഭവം.

ജൂവലറിയില്‍ സ്വര്‍ണാഭരണം വാങ്ങാനെത്തിയ യുവതിയോട് ബക്കര്‍ മോശമായി സംസാരിക്കുകയും കൈയില്‍ കയറിപ്പിടിച്ച് അപമാനിക്കുകയും ചെയ്തതിനാണ് നടപടി എടുത്തത്.

കോതമംഗലം എസ്.എച്ച്.ഒ. പി.ടി. ബിജോയിയുടെ നേതൃത്വത്തിലുള്ള അന്വേഷണസംഘം ചൊവ്വാഴ്ച പ്രതിയെ അറസ്റ്റ് ചെയ്തു. കോടതി പ്രതിയെ റിമാന്‍ഡ് ചെയ്തു.