കുറവിലങ്ങാട് നഗരത്തിൽ ടോറസ് ലോറികൾ കൂട്ടിയിടിച്ച് അപകടം സ്‌കൂട്ടർ യാത്രികൻ രക്ഷപെട്ടത് തലനാരിഴയ്ക്ക്

കോട്ടയം:കുറവിലങ്ങാട് നഗരത്തിൽ ടോറസ് ലോറികൾ കൂട്ടിയിടിച്ച് അപകടം. മൂവാറ്റുപുഴ ഭാഗത്തുനിന്നും ലോഡുമായി വരികയായിരുന്ന ലോറിയാണ് മുൻപിൽ പോയ മറ്റൊരു ടോറസ് ലോറിക്ക് പിന്നിൽ ഇടിച്ചുകയറിയത്.

ഇരു ലോറികളുടെയും നടുവിലായി യാത്ര ചെയ്തിരുന്ന സ്കൂട്ടർ യാത്രികൻ വെട്ടിച്ചു മാറ്റിയതിനാൽ വൻ അപകടം ഒഴിവായി. ആലപ്പുഴ സ്വദേശി അഫ്സൽ എന്ന വ്യക്തിയുടെ ലോറിയാണ് അപകടത്തിൽ പെട്ടത്.

കുറവിലങ്ങാട് ബസ്റ്റാൻഡിനു സമീപത്തായി നടന്ന അപകടം നഗരത്തിൽ ഏറെ നേരം ഗതാഗതം സ്തംഭിപ്പിച്ചു. തുടർന്ന് കുറവിലങ്ങാട് പോലീസ് സ്ഥലത്തെത്തി. മറ്റ് വാഹനങ്ങളുടെ ഗതാഗതം സുഗമമാക്കി തുടർ നടപടികൾ സ്വീകരിച്ചു.