ന്യൂയോര്‍ക്ക്: ഇറച്ചി കഴിക്കുന്നവര്‍ക്ക് മുന്നറിയിപ്പുമായി ആരോഗ്യവിദഗ്ധര്‍ രംഗത്ത്. റെഡ് മീറ്റും സംസ്‌കരിച്ച ഇറച്ചിയും ചെറിയ അളവില്‍ കഴിക്കുന്നതു പോലും മരണസാധ്യത കൂട്ടുമെന്നാണ് പുതിയ പഠനങ്ങളില്‍ തെളിഞ്ഞത്. ഇതുസംബന്ധിച്ച പഠന റിപ്പോര്‍ട്ട് ന്യൂട്രിയന്റ്‌സ് ജേണലില്‍ പ്രസിദ്ധീകരിച്ചിട്ടുണ്ട്.
.jpeg)
ഇറച്ചി കഴിക്കാത്തവരുമായി താരതമ്യപ്പെടുത്തുമ്പോള്‍ ചെറിയ അളവില്‍ റെഡ് മീറ്റും സംസ്‌കരിച്ച ഇറച്ചിയും കഴിക്കുന്നവര്‍ക്ക് ഹൃദയ സംബന്ധമായ രോഗങ്ങളും കാന്‍സറും വരാന്‍ സാധ്യത കൂടുതലാണത്രേ. റെഡ് മീറ്റും സംസ്‌കരിച്ച ഇറച്ചിയും വളരെ ചെറിയ അളവില്‍ കഴിക്കുന്നതു പോലും ആരോഗ്യത്തിനും ആയുസ്സിനും ദോഷകരമാണെന്നാണ് ഈ പഠനത്തില്‍ പറയുന്നത്.
തൊണ്ണൂറായിരത്തോളം വരുന്ന സെവന്‍ത് ഡേ അഡ്വന്റിസ്റ്റ് സ്ത്രീ പുരുഷന്മാരിലാണ് പഠനം നടത്തിയാണ് ഗവേഷകര്‍ ഈ നിഗമനത്തിലെത്തിയത്.
യുഎസിലെയും കാനഡയിലെയും അഡ്വന്റിസ്റ്റ് ജനവിഭാഗത്തിന്റെ ഒരു പ്രത്യേകത അവരില്‍ 50 ശതമാനം പേര്‍ സസ്യഭുക്കുകളാണ് എന്നതാണ്. ഇറച്ചി കഴിക്കുന്നവരാകട്ടെ വളരെ കുറഞ്ഞ അളവിലേ കഴിക്കൂ. ഇതാണ് പഠനത്തിന് ഇവരെ തിരഞ്ഞെടുക്കാന്‍ കാരണമെന്ന് ഗവേഷകര്‍ പറയുന്നു.
11 വര്‍ഷക്കാലയളവില്‍ 7900 ലധികം പേരുടെ മരണകാരണം പരിശോധിച്ചു. ഇവരില്‍ ഇറച്ചി കഴിക്കുമായിരുന്നവരില്‍ 90 ശതമാനം പേരും രണ്ട് ഔണ്‍സോ അതില്‍ കുറവോ റെഡ് മീറ്റ്‌ ആണ് ദിവസവും കഴിച്ചിരുന്നത്. റിപ്പോര്‍ട്ട് ചെയ്യപ്പെട്ട മരണങ്ങളില്‍ 2600 എണ്ണം ഹൃദയസംബന്ധമായ രോഗങ്ങള്‍ മൂലവും 1800 ലധികം മരണങ്ങള്‍ കാന്‍സര്‍ മൂലവും ആയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.