സംസ്ഥാനത്ത് വീണ്ടും ഭക്ഷ്യ വിഷബാധ; ഇത്തവണ വില്ലൻ ഷവായ്, 20 പേര്‍ ചികിത്സ തേടി,,

ആലപ്പുഴ: സംസ്ഥാനത്ത് വീണ്ടും ഭഷ്യ വിഷബാധ. താലൂക്ക് ആശുപത്രിക്ക് സമീപത്തെ കിങ് കഫേ ഹോട്ടലില്‍ നിന്ന് ഷവായ് കഴിച്ച 20 ഓളം പേര്‍ക്കാണ് ഭക്ഷ്യവിഷബാധയേറ്റത്.സംഭവത്തെ തുടര്‍ന്ന് നഗരസഭ ആരോഗ്യ വിഭാഗം ഇടപെട്ട് ഹോട്ടല്‍ പൂട്ടിച്ചു.

ഞായറാഴ്ച രാത്രിയാണ് ഇവര്‍ ഷവായ് കഴിച്ചത്. ഇന്നലെ ഉച്ചയോടെ ആരോഗ്യ പ്രശ്‌നങ്ങള്‍ ഉണ്ടായവര്‍ ആശുപത്രിയില്‍ എത്താൻ തുടങ്ങി. ഛര്‍ദി, വയറിളക്കം, നടുവേദന എന്നിവയായിരുന്നു ലക്ഷണങ്ങള്‍. നിരവധിപ്പേര്‍ സമാനമായ ആരോഗ്യ പ്രശ്‌നങ്ങളുമായി എത്തിയതോടെയാണ് ഭക്ഷ്യ വിഷബാധയാണെന്ന സംശയം ഉയര്‍ന്നുവന്നത്.

അതേസമയം, കഴിഞ്ഞ ദിവസം എറണാകുളത്ത് ആര്‍ടിഒയ്‌ക്കും മകനും ഭക്ഷ്യവിഷബാധയേറ്റിരുന്നു. കൊച്ചിയിലെ ഹോട്ടലില്‍ നിന്ന് ഭക്ഷണം കഴിച്ചതിന് പിന്നാലെ ആരോഗ്യപ്രശ്‌നങ്ങള്‍ ഉണ്ടാവുകയും ആശുപത്രിയില്‍ പ്രവേശിപ്പിക്കുകയുമായിരുന്നു.