ദ്വീപുകളിലേക്ക് അരി നേരിട്ട് എത്തിക്കാൻ ഒരുങ്ങി ലക്ഷദ്വീപ് അഡ്മിനിസ്ട്രേഷൻ

കവരത്തി : ലക്ഷദ്വീപ് അഡ്മിനിസ്ട്രേഷനു കീഴിലെ ജനവാസമുള്ള 10 ദ്വീപുകളിലേക്കും നേരിട്ട് അരി എത്തിക്കാൻ ഒരുങ്ങി അഡ്മിനിസ്ട്രേഷൻ. പിഡിഎസ് അരി മംഗലാപുരത്ത് നിന്ന് നേരിട്ട് എത്തിച്ചാണ് ഭക്ഷ്യ- സിവിൽ സപ്ലൈസ് വകുപ്പ് ഈ പുതിയ പരിഷ്കരണത്തിന് തുടക്കമിട്ടത്.

മുൻപ് പിഡിഎസ് അരി മംഗലാപുരത്ത് നിന്ന് ആന്ത്രോത്ത് ദ്വീപിലെ കേന്ദ്ര ഭക്ഷ്യ ശേഖരണ കേന്ദ്രത്തിൽ എത്തിച്ച് അവിടെ നിന്ന് മറ്റ് ദ്വീപുകളിലേക്ക് എത്തിക്കുകയായിരുന്നു. വളരെ ബുദ്ധിമുട്ടുള്ളതും

ചിലവേറിയതുമായ ഈപ്രക്രിയ എളുപ്പമാക്കുന്നതിനാണ് എല്ലാ ദ്വീപുകളിലേക്കും അരി നേരിട്ട് എത്തിക്കുന്ന ഈ പദ്ധതി.