പോസ്റ്റുമോര്‍ട്ടം പഠിക്കാൻ കേരളത്തിന് പുറത്തുപോകേണ്ട സാഹചര്യമെന്ന പരാതി; ഉടനെ പരിഹാരം കണ്ടെത്തുമെന്ന് ആരോഗ്യമന്ത്രി,

തിരുവനന്തപുരം:  സ്വകാര്യ മെഡിക്കല്‍ കോളേജുകളില്‍ പഠിക്കുന്ന വിദ്യാര്‍ത്ഥികള്‍ കേരളത്തിന് പുറത്തുപോയി പോസ്റ്റുമോര്‍ട്ടം കണ്ട് പഠിക്കേണ്ടി വരുന്ന സാഹചര്യത്തെ കുറിച്ച്‌ പരിശോധിക്കുമെന്ന് മന്ത്രി വീണാ ജോര്‍ജ്..

വിഷയം പരിശോധിച്ച്‌ അടിയന്തരമായി പരിഹാരം കണ്ടെത്താൻ മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ക്ക് നിര്‍ദ്ദേശം നല്‍കിയെന്നും പരിഹരിക്കപ്പെടുമെന്നും മന്ത്രി അറിയിച്ചു.

ശ്രീലക്ഷമിയെന്ന അധ്യാപികയാണ് പ്രതിസന്ധിയെ കുറിച്ച്‌ ഫെയ്സ്ബുക്കില്‍ കുറിപ്പിട്ടത്. ഇതു ശ്രദ്ധയില്‍പ്പെട്ട മന്ത്രി ഉടൻ നടപടി സ്വീകരിക്കുകയായിരുന്നു. പോസ്റ്റില്‍ പറഞ്ഞതിന്റെ ആവശ്യകതയും അന്തസത്തയും മനസ്സിലാക്കിയതില്‍ നന്ദി ഉണ്ടെന്നും ശ്രീലക്ഷ്മി പറഞ്ഞു.